Галоўныя навіны

Лукашэнка: бескарыслівая мацярынская любоў з'яўляецца арыенцірам і захавальнікам на працягу ўсяго жыцця

Фота з архiва

14 кастрычніка, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў суайчынніц з Днём маці. Аб гэтым БЕЛТА паведамілі ў прэс-службе кіраўніка дзяржавы.

"Гэта цудоўнае свята напоўнена самымі шчырымі і пяшчотнымі пачуццямі да тых, чыё найвялікшае прызванне - дарыць новае жыццё, аберагаць і саграваць яго сваёй любоўю і клопатам, - гаворыцца ў віншаванні. - Радасць мацярынства - гэта ні з чым не параўнальнае шчасце, велізарная адказнасць за выхаванне дастойнага чалавека, грамадзяніна і патрыёта. Светлы вобраз маці надае невычэрпныя сілы, калі мы сутыкаемся з цяжкасцямі, і памнажае радасць, калі дабіваемся поспеху. Бескарыслівая мацярынская любоў з'яўляецца арыенцірам і захавальнікам на працягу ўсяго жыцця, вучыць любіць Радзіму, рабіць дабро, паважаць нацыянальныя традыцыі".

Асаблівыя словы ўдзячнасці Аляксандр Лукашэнка адрасаваў шматдзетным маці, жанчынам, якія выхоўваюць дзяцей з асаблівасцямі развіцця, а таксама тым, хто дорыць ласку і дамашнюю ўтульнасць у прыёмных сем'ях. "Пакланяюся вялікай сіле мацярынскіх пачуццяў і шырыні вашай душы", - падкрэсліў беларускі лідар.

Прэзідэнт падзякаваў усім маці за нястомную самаадданую працу і штодзённы клопат пра будучыню роднай Беларусі, а таксама пажадаў ім і іх блізкім моцнага здароўя, мірнага неба, аптымізму і дабрабыту.

Віншаванне Прэзідэнта Беларусі з Днём маці

Дарагія суайчынніцы!

Сардэчна віншую вас з Днём маці.

Гэта цудоўнае свята напоўнена самымі шчырымі і пяшчотнымі пачуццямі да тых, чыё найвялікшае прызванне - дарыць новае жыццё, аберагаць і саграваць яго сваёй любоўю і клопатам.

Радасць мацярынства - гэта ні з чым не параўнальнае шчасце, велізарная адказнасць за выхаванне дастойнага чалавека, грамадзяніна і патрыёта.

Светлы вобраз маці надае невычэрпныя сілы, калі мы сутыкаемся з цяжкасцямі, і памнажае радасць, калі дабіваемся поспеху. Бескарыслівая мацярынская любоў з'яўляецца арыенцірам і захавальнікам на працягу ўсяго жыцця, вучыць любіць Радзіму, рабіць дабро, паважаць нацыянальныя традыцыі.

Асаблівыя словы ўдзячнасці - шматдзетным маці, жанчынам, якія выхоўваюць дзяцей з асаблівасцямі развіцця, а таксама тым, хто дорыць ласку і дамашнюю ўтульнасць у прыёмных сем'ях. Пакланяюся вялікай сіле мацярынскіх пачуццяў і шырыні вашай душы.

Дзякую вам, дарагія мамы, за нястомную самаадданую працу і штодзённы клопат пра будучыню роднай Беларусі.

Жадаю вам і вашым блізкім моцнага здароўя, мірнага неба, аптымізму і дабрабыту.

Аляксандр Лукашэнка

14 кастрычніка 2022 года.

версія для друку

зрабіць стартавай

дабавіць у выбранае