Галоўныя навіны

Кіраўніку дзяржавы было даложана аб сітуацыі ва Узброеных Сілах, перш за ўсё на паўднёвых рубяжах. Аляксандр Лукашэнка звярнуў увагу, што вакол гэтай тэмы апошнім часам вельмі шмат размоў, у так званай апазіцыйнай прэсе тыя ці іншыя рэчы падаюцца тэндэнцыйна. "Тым не менш, мы не ўтойваем тое, што паўднёвыя граніцы нам трэба ўзмацняць. І не таму што мы баімся ўкраінцаў, што на нас там хтосьці нападзе. Мы апасаемся, каб у выніку таго, што адбываецца ва Украіне, не пацягнуліся сюды розныя элементы, не патрэбныя ў Беларусі, і асабліва зброя. Гэта нас павінна заўсёды насцярожваць. Гэта наша пытанне, якое мы павінны вырашаць, за нас ніхто яго не вырашыць", - адзначыў Аляксандр Лукашэнка.

Акрамя таго, Прэзідэнту было даложана аб тым, як ідзе аптымізацыя Узброеных Сіл. Увага акцэнтавалася ў тым ліку на стварэнні новай зброі і новых відаў узбраення ў Беларусі. Кіраўніка дзяржавы цікавіла, ці ўсё выконваецца па параметрах, якія былі вызначаны нядаўна на пасяджэнні Савета бяспекі.

Станіслаў Зась праінфармаваў Аляксандра Лукашэнку, што сітуацыя ва Узброеных Сілах Беларусі стабільная. Адзначаецца ўмацаванне маральна-псіхалагічнага стану людзей, змяншэнне адтоку афіцэраў, у тым ліку маладых. Паспяхова прайшла ў гэтым годзе ўступная кампанія ў Ваеннай акадэміі.