У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

2 Сак 2017

Лукашэнка: Беларусь гатова дзяліцца з В'етнамам вопытам у сферы забеспячэння бяспекі і правапарадку

Лукашэнка: Беларусь гатова дзяліцца з В'етнамам вопытам у сферы забеспячэння бяспекі і правапарадку

2 сакавіка, Мінск /Уладзімір Мацвееў - БЕЛТА/. Беларусь гатова дзяліцца з В'етнамам вопытам у сферы забеспячэння бяспекі і правапарадку. Аб гэтым Прэзідэнт Беларусі Аляксандр Лукашэнка заявіў сёння на сустрэчы з міністрам грамадскай бяспекі В'етнама То Ламам, перадае карэспандэнт БЕЛТА.

Кіраўнік дзяржавы адзначыў, што В'етнам - гэта азіяцкая краіна, якая бурна развіваецца. "За апошнія дзесяць гадоў мы стварылі матэрыяльны фундамент і аснову нашых адносін, у тры разы павялічылі тавараабарот. Больш таго, мы намецілі сур'ёзную дарожную карту развіцця нашых адносін. І гэта ставіць В'етнам у рад самых прыярытэтных, асноўных нашых партнёраў у Паўднёва-Усходняй Азіі", - заявіў Прэзідэнт.

Лукашэнка: Беларусь гатова дзяліцца з В'етнамам вопытам у сферы забеспячэння бяспекі і правапарадкуАляксандр Лукашэнка канстатаваў, што адным з галоўных фактараў бурнага развіцця В'етнама з'яўляецца стабільнасць і бяспека ў дзяржаве, задача па забеспячэнні якіх у тым ліку ляжыць на праваахоўных органах. "Хачу запэўніць вас, што мы будзем рабіць усё для таго, каб В'етнам быў стабільным і бяспечным. Мы гатовы свой вопыт перадаваць сваім сябрам у В'етнаме. Вы павінны ведаць, што ў гэтых адносінах будзе выключна падтрымка і на маім, і на ўрадавым узроўні", - сказаў ён.

Кіраўнік дзяржавы падкрэсліў важнасць падрыхтоўкі прафесійных кадраў. "Калі вас задавольвае тая сістэма падрыхтоўкі кадраў, якая існуе ў Беларусі, мы гатовы зрабіць усё для таго, каб у цэлым сістэму або ж яе элементы перанесці на в'етнамскую глебу", - запэўніў Прэзідэнт.

Лукашэнка: Беларусь гатова дзяліцца з В'етнамам вопытам у сферы забеспячэння бяспекі і правапарадкуАляксандр Лукашэнка лічыць важным забяспечыць свабоднае перамяшчэнне людзей з В'етнама ў Беларусь і наадварот. "Але ў той жа час мы павінны разам паставіць заслону розным дрэнным людзям і аб'яднаць нашы намаганні ў барацьбе са злачыннасцю, наркатрафікам, тэрарызмам. У нас ёсць пэўны вопыт. Калі ён вам патрэбны, мы гатовы ім падзяліцца", - сказаў ён.

Прэзідэнт асабліва адзначыў той факт, што цяперашняя сустрэча праходзіць напярэдадні 100-гадовага юбілею беларускай міліцыі. "У нас з вамі ёсць добры фундамент адносін. Мы вельмі многае перажылі разам з В'етнамам, разам змагаліся за свабоду і незалежнасць вашага народа. Мы зрабілі нямала для станаўлення вашай дзяржавы. У гэтым радзе савецкіх грамадзян вялікае месца займалі беларусы", - заявіў кіраўнік дзяржавы.

"Вы знаходзіцеся ў сваіх сяброў, будзьце як дома і ведайце, што мы заўсёды гатовы падставіць сваё плячо там, дзе трэба, в'етнамскаму народу і вам асабіста", - дадаў беларускі лідар.

У сваю чаргу То Лам падзякаваў Прэзідэнту Беларусі за магчымасць сустрэчы і перадаў словы прывітання ад кіраўніцтва В'етнама. Ён таксама падкрэсліў, што краіны ў гэтым годзе святкуюць 25-годдзе ўстанаўлення дыпламатычных адносін і адзначыў той імпульс, які надалі развіццю супрацоўніцтва праведзеныя раней візіты на вышэйшым узроўні.

На сённяшні дзень створана неабходная прававая база для забеспячэння дзейнасці праваахоўных органаў Беларусі і В'етнама, што адпавядае іх патрэбнасцям у вырашэнні аператыўна-службовых задач. Узаемадзеянне з в'етнамскім бокам праводзіцца на аснове дагавора аб прававой дапамозе і прававых адносінах па грамадзянскіх, сямейных, працоўных і крымінальных справах, пагаднення аб супрацоўніцтве паміж праваахоўнымі ведамствамі дзвюх краін.

Ажыццяўляецца абмен візітамі па розных напрамках службовай дзейнасці. Арганізавана супрацоўніцтва ў галіне падрыхтоўкі кадраў. На базе кіналагічнага цэнтра ў Беларусі прайшлі абучэнне некалькі груп в'етнамскіх спецыялістаў. Навучаюцца в'етнамскія супрацоўнікі і ў Акадэміі МУС Беларусі, у тым ліку на базе Міжнароднага вучэбнага цэнтра падрыхтоўкі, павышэння кваліфікацыі і перападрыхтоўкі кадраў у сферы міграцыі і процідзеяння гандлю людзьмі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс