У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

2 Май 2017

Лукашэнка адзначае новыя магчымасці для ўключэння Беларусі ў еўрапейскія інтэграцыйныя працэсы

Лукашэнка адзначае новыя магчымасці для ўключэння Беларусі ў еўрапейскія інтэграцыйныя працэсы

2 мая, Мінск /Кар. БЕЛТА/. У Беларусі з'явіліся новыя магчымасці для больш шырокага ўключэння дзяржавы ў еўрапейскія інтэграцыйныя працэсы. Аб гэтым Прэзідэнт Беларусі Аляксандр Лукашэнка заявіў сёння на цырымоніі ўручэння даверчых грамат пасламі замежных краін, перадае карэспандэнт БЕЛТА.

"Цяпер Беларусь старшынствуе ў Цэнтральна-Еўрапейскай ініцыятыве. Дзякуючы гэтаму ў нас з'явіліся новыя магчымасці для больш шырокага ўключэння дзяржавы ў еўрапейскія інтэграцыйныя працэсы. Невыпадкова тытульнай тэмай беларускага старшынства выбрана пашырэнне сумяшчальнасці ў Вялікай Еўропе, - сказаў Аляксандр Лукашэнка. - Згадзіцеся, у кантэксце цяперашняй нестабільнай абстаноўкі і беспрэцэдэнтных выклікаў яна мае асаблівае значэнне".

Гэты год знамянальны і тым, што ў Мінску пройдзе сесія Парламенцкай асамблеі Арганізацыі па бяспецы і супрацоўніцтве ў Еўропе. "Падзея для нашай краіны, ды і для ўсёй Еўропы важная і адказная. На сесіі плануецца абмеркаваць пытанні ўмацавання ўзаемнага даверу і супрацоўніцтва ў рэгіёне АБСЕ. Прымаючы высокі форум, Беларусь мае магчымасць пачаць канструктыўны дыялог з прадстаўнікамі многіх еўрапейскіх дзяржаў", - упэўнены Прэзідэнт.

Кіраўнік дзяржавы падкрэсліў, што Беларусь можа забяспечыць замежным партнёрам выхад на велізарны рынак Еўразійскага эканамічнага саюза. Гэта, несумненна, павышае яе прывабнасць у гандлёва-эканамічным і інвестыцыйным плане.

"Імкненне Беларусі да адкрытасці пацвярджаецца ўвядзеннем у пачатку 2017 года бязвізавага рэжыму ўезду для грамадзян 80 краін. За мінулы перыяд такой магчымасцю скарысталіся турысты і прадпрымальнікі ў тым ліку і з дзяржаў, якія вы тут прадстаўляеце. Усё гэта стварае аснову для актывізацыі дзелавых і чалавечых стасункаў", - звярнуў увагу Аляксандр Лукашэнка.

Прэзідэнт таксама заўважыў, што бягучы год аб'яўлены ў краіне Годам навукі і задачы ў гэтай сферы пастаўлены грандыёзныя. "Па прыярытэтных для сябе напрамках даследаванняў Беларусь плануе праз дзесяць гадоў увайсці ў лік лідзіруючых дзяржаў. У нас захавалася і развіваецца магутная акадэмічная навука, прадстаўленая дзясяткамі буйных даследчых цэнтраў і вышэйшых навучальных устаноў, - канстатаваў Аляксандр Лукашэнка. - Спадзяёмся на вашу актыўную дапамогу ў арганізацыі навуковага і студэнцкага абмену, устанаўленні ўніверсітэцкіх сувязей і рэалізацыі сумесных навукова-тэхнічных праектаў".

Даверчыя граматы кіраўніку беларускай дзяржавы сёння ўручылі паслы Азербайджана, Ірана, Бельгіі, Нідэрландаў, Нарвегіі, Новай Зеландыі, Мальтыйскага ордэна, Арменіі, Грэцыі, Руанды, Ізраіля, Украіны.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс