Галоўныя навіны
Лукашэнка адправіўся з дзяржаўным візітам у В'етнам
8 снежня, Мінск /Кар. БЕЛТА/. Прэзідэнт Беларусі Аляксандр Лукашэнка накіраваўся сёння з дзяржаўным візітам у Сацыялістычную Рэспубліку В'етнам, паведамляе БЕЛТА.
Праграмай візіту Прэзідэнта Беларусі ў В'етнам 8-9 снежня запланаваны перагаворы з Прэзідэнтам Чыонг Тан Шангам, сустрэчы з генеральным сакратаром Камуністычнай партыі Нгуен Фу Чонгам і прэм'ер-міністрам Нгуен Тан Зунгам.
Потым Аляксандр Лукашэнка накіруецца з афіцыйным візітам у Туркменістан, дзе будзе знаходзіцца па 12 снежня. Праграма таксама насычана сустрэчамі і мерапрыемствамі. Кіраўнік беларускай дзяржавы правядзе перагаворы з Прэзідэнтам Туркменістана Гурбангулы Бердымухамедавым, па выніках якіх будзе падпісаны шэраг міжнародных дакументаў.
Чакаецца, што Прэзідэнт Беларусі наведае сумесную беларуска-туркменскую выстаўку-кірмаш, Алімпійскі гарадок. Аляксандр Лукашэнка таксама прыме ўдзел у міжнароднай канферэнцыі "Палітыка нейтралітэту: міжнароднае супрацоўніцтва ў імя міру, бяспекі і развіцця".
версія для друку
зрабіць стартавай
дабавіць у выбранае