Галоўныя навіны
Лукашэнка абмеркаваў з Сянько супрацоўніцтва з Расіяй у мытнай сферы
30 студзеня, Мінск /Уладзімір Мацвееў - БЕЛТА/. Супрацоўніцтва Беларусі з Расіяй у мытнай сферы і ў цэлым сітуацыя на мытні абмяркоўваліся сёння на сустрэчы Прэзідэнта Беларусі Аляксандра Лукашэнкі са старшынёй Дзяржаўнага мытнага камітэта Юрыем Сянько, перадае карэспандэнт БЕЛТА.
"Коратка - выкананыя планы, якія былі даведзены да Мытнага камітэта, якая сітуацыя на мытні сёння, якія праблемы. Другое пытанне - супрацоўніцтва з Расійскай Федэрацыяй", - абазначыў тэматыку сустрэчы кіраўнік дзяржавы.
Аляксандр Лукашэнка папрасіў Юрыя Сянько выказаць ацэнкі і шчырае меркаванне наконт таго, ці ёсць прэтэнзіі з боку расіян да адпаведнай работы на тэрыторыі Беларусі. "Вы разумееце, перш за ўсё па санкцыйных таварах", - удакладніў Прэзідэнт.
У прэсе вельмі часта, ды і службовыя асобы выказвалі свае прэтэнзіі, што беларускія крэветкі, ікра, яшчэ нешта. Гэта добра, трэба радавацца, што ў Беларусі пачалі вырабляць і чорную, і чырвоную ікру. Навучыліся рабіць, малайцы! Няхай у штучных умовах, але яна не горшая, чым, дапусцім, у іншых краін", - канстатаваў кіраўнік дзяржавы.
"Але, тым не менш, хацелася аб'ектыўна. У чым нам яшчэ трэба папрацаваць, каб прэтэнзій з боку расіян было менш. І як развіваецца тут наша супрацоўніцтва з Расіяй. Як бы там ні было, а граніца знешняя Саюзнай дзяржавы пад Брэстам, а не пад Смаленскам, - сапраўдная, якая функцыянуе", - дадаў Аляксандр Лукашэнка.
версія для друку
зрабіць стартавай
дабавіць у выбранае