Галоўныя навіны

Лукашэнка і Пуцін сустрэнуцца 19 снежня ў Мінску, і ўжо вядомы парадак дня перагавораў

Фота з архiва

16 снежня, Мінск /Кар. БЕЛТА/. Палац Незалежнасці ў Мінску 19 снежня стане пляцоўкай беларуска-расійскіх перагавораў на вышэйшым узроўні. Кіраўнік дзяржавы Аляксандр Лукашэнка правядзе перагаворы з Прэзідэнтам Расійскай Федэрацыі Уладзімірам Пуціным, які наведае Беларусь з рабочым візітам. Аб гэтым БЕЛТА паведамілі ў прэс-службе беларускага лідара.

Праграма перагавораў чакаецца насычаная. Яны стартуюць з размовы ў шырокім складзе. Удзел у ёй прымуць кіраўнікі дзяржаў, а таксама члены ўрадаў дзвюх краін, кіраўнікі міністэрстваў і ведамстваў. У такім фармаце бакі падрабязна абмяркуюць увесь спектр найбольш актуальных пытанняў беларуска-расійскай інтэграцыі.

Далей прэзідэнты прадоўжаць перагаворы ў фармаце сам-насам, пасля чаго, як чакаецца, зробяць заявы і адкажуць на пытанні журналістаў.

У цэлым, як плануецца, кіраўнікі дзяржаў на працягу перагаворнага дня падрабязна абмяркуюць ход рэалізацыі прынятых раней саюзных праграм. У першую чаргу размова пойдзе аб пытаннях гандлёва-эканамічнага ўзаемадзеяння, сумесных кааперацыйных праектах з акцэнтам на імпартазамяшчэнне. Важнай тэмай у перагаворным парадку дня стане супрацоўніцтва ў энергетычнай сферы. Прэзідэнты таксама ўдзеляць прыярытэтную ўвагу пытанням бяспекі, абмяняюцца меркаваннямі аб сітуацыі ў рэгіёне і свеце, абмяркуюць сумесныя меры рэагавання на ўзнікаючыя выклікі.

версія для друку

зрабіць стартавай

дабавіць у выбранае