Галоўныя навіны

Лукашэнка і Пуцін пачалі перагаворы ў пашыраным фармаце

7 лютага, Сочы /Уладзімір Мацвееў - БЕЛТА/. Прэзідэнты Беларусі і Расіі Аляксандр Лукашэнка і Уладзімір Пуцін пачалі перагаворы ў пашыраным фармаце, перадае карэспандэнт БЕЛТА.

Перагаворы праходзяць ва ўсечаным фармаце, паколькі не ўсе члены расійскай дэлегацыі змаглі дабрацца да Сочы з-за складаных умоў надвор'я.

З расійскага боку акрамя Уладзіміра Пуціна на перагаворах прысутнічаюць намеснік Кіраўніка Адміністрацыі Прэзідэнта Расійскай Федэрацыі Дзмітрый Козак (з 24 студзеня, да гэтага быў віцэ-прэм'ерам), гендырэктар "Расатама" Аляксей Ліхачоў і пасол Расіі ў Беларусі Дзмітрый Мезенцаў.

З беларускага - першы віцэ-прэм'ер Дзмітрый Крутой, пасол Беларусі ў Расіі Уладзімір Сямашка, міністр энергетыкі Віктар Каранкевіч і старшыня канцэрна "Белнафтахім" Андрэй Рыбакоў.

"На жаль, наша дэлегацыя не змагла пакуль дабрацца. Спадзяюся, што ўмовы надвор'я дадуць магчымасць, і яны крыху пазней прыедуць. Але мы ўжо можам пачаць нашу дыскусію, паабмяркоўваць бягучыя справы. Думаю, што выйдзем і за рамкі тых пытанняў, якія з'яўляюцца найбольш актуальнымі сёння. У нас пытанняў шмат. Мы з Аляксандрам Рыгоравічам практычна за паўтары гадзіны закранулі ўжо шмат пытанняў, якія ўяўляюць узаемны інтарэс", - сказаў Уладзімір Пуцін.

Паводле яго слоў, калі астатнія калегі дабяруцца да месца перагавораў, бакі пяройдуць да другога раўнда перагавораў.

"Думаю, сённяшні дзень будзе карысным. Хачу вам падзякаваць, Аляксандр Рыгоравіч, за тое, што прыехалі", - сказаў Прэзідэнт Расіі.

Раней са спасылкай на ТАСС паведамлялася, што самалёт спецыяльнага лётнага атрада "Расія", на якім знаходзіцца частка ўрадавай дэлегацыі і журналісты расійскага прэзідэнцкага пула, вылецеў з Масквы ў Сочы на перагаворы прэзідэнтаў Расіі і Беларусі з двухгадзіннай затрымкай. На борце самалёта знаходзяцца віцэ-прэм'ер Аляксей Авярчук, міністр энергетыкі Аляксандр Новак і першы намеснік міністра эканамічнага развіцця Міхаіл Бабіч.

Рэйс з маскоўскага аэрапорта Унукава быў адкладзены з-за складаных умоў надвор'я - снежнага бурану з моцным бакавым ветрам.

Між тым, частка расійскай дэлегацыі так і не змагла прыбыць у Сочы. Прычына - складаныя ўмовы надвор'я. У выніку борт адправіўся ў аэрапорт Мінеральныя Воды.

версія для друку

зрабіць стартавай

дабавіць у выбранае