VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

12 Стд 2017

Лукашэнка і Грэф абмеркавалі развіццё супрацоўніцтва Беларусі з Групай Ашчадбанк

Лукашэнка і Грэф абмеркавалі развіццё супрацоўніцтва Беларусі з Групай Ашчадбанк

12 студзеня, Мінск /Кар. БЕЛТА/. Прэзідэнт Беларусі Аляксандр Лукашэнка і прэзідэнт, старшыня праўлення ПАТ "Ашчадбанк" Герман Грэф абмеркавалі на сустрэчы ў Мінску далейшае развіццё супрацоўніцтва ў банкаўскім сектары, перадае карэспандэнт БЕЛТА.

"Нашы банкаўскія справы - тыя пытанні, аб якіх мяне падрабязна інфармаваў Васіль Мацюшэўскі (першы віцэ-прэм'ер Беларусі. - Заўвага БЕЛТА), да гэтага мы абмяркоўвалі ва ўрадзе - там разуменне знойдзена", - сказаў кіраўнік дзяржавы.

"Але я хачу сказаць галоўнае: калі Герман Оскаравіч будзе адносіцца, працуючы ў Беларусі, да нашых партнёраў, кліентаў, якія з банкам супрацоўнічаюць, так, як у Расіі да расійскіх, у нас ніколі не будзе пытанняў", - падкрэсліў Аляксандр Лукашэнка. Паводле слоў Прэзідэнта, ён добра інфармаваны аб пазіцыі Германа Грэфа на расійскім полі дзейнасці і чуў у гэтым плане шмат добрага.

Герман ГрэфУ сваю чаргу Герман Грэф падзякаваў асабіста Прэзідэнту, а таксама ўраду, Нацыянальнаму банку Беларусі за тое, што ў складаных сітуацыях, якія ўзнікалі ў 2015 і 2016 гадах, была знойдзена канструктыўная падтрымка і выхады. "Гэты год таксама будзе не вельмі просты, але ўжо значна лепшы, чым 2016-ы. А з 2018 года мы разлічваем пачаць ужо нармальную работу тут. Відавочнае ажыўленне і крэдытавання, і нашага партфеля актываў", - сказаў ён.

Герман Грэф таксама падкрэсліў, што ўсе ўмовы, пастаўленыя раней пры куплі беларускага банка (ААТ "БПБ-Ашчадбанк" уваходзіць у Групу Ашчадбанк), выкананы. "Мы мінімум у паўтара раза перавыканалі кожны з пяці пунктаў нашых абавязацельстваў. Сёння Ашчадбанк - буйнейшы інвестар у беларускую эканоміку. Гэта ў тым ліку вынік нашага вельмі добрага ўзаемадзеяння і даверу вам асабіста і рэспубліцы", - дадаў старшыня праўлення Ашчадбанка.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход