Галоўныя навіны

Статуэтку - сімвал конкурсу "Залатая Літара" пераможцу ўручыла міністр інфармацыі Беларусі Лілія Ананіч. "У бягучым годзе беларуская прэса падарыла шмат цудоўных праектаў, якія расказваюць аб тым, як жывуць беларусы, як славяць сваю родную зямлю. Гэта яшчэ раз даказвае: СМІ служаць свайму народу, сваёй краіне", - заявіла кіраўнік ведамства. Паводле яе слоў, беларускім СМІ давяраюць і высокі давер важна апраўдаць дастойнай працай.

Яшчэ два праекты - "Чарнобыль: праз 30 гадоў" першага намесніка галоўнага рэдактара "Сельскай газеты" Міхаіла Кучко і "Адукацыя ў асобах" "Настаўнiцкай газеты" сталі лаўрэатамі ў намінацыі Гран-пры "Лепшы творчы праект года рэспубліканскіх, абласных друкаваных СМІ, інфармацыйных агенцтваў".

Заслужаную ўзнагароду прымала таксама газета "Бабруйскае жыццё". Яе праект "Беларусь - тэрыторыя стабільнасці" атрымаў Гран-пры як лепшы творчы праект года раённых, гарадскіх, шматтыражных друкаваных СМІ.

Звання лаўрэата ў гэтай намінацыі ўдастоены тры праекты: "Радаслоўная кніга. 70 гадоў МТЗ. Трактарабудаўнікі: гісторыя станаўлення брэнда" газеты "Беларус-МТЗ обозрение", "Астрамечаўскi рукапiс" Аляксандра Валковіча і "Ад сэрца да сэрца" "Воранаўскай газеты".

"Залатыя Літары" ўручаны і пераможцам у іншых намінацыях.

Газета "Советская Белоруссия" атрымала ўзнагароду ў намінацыі "Лепшыя матэрыялы грамадска-палітычнай тэматыкі". Віншуючы пераможцаў, намеснік старшыні Савета Рэспублікі Нацыянальнага сходу Мар'яна Шчоткіна падкрэсліла, што работа ў сферы інфармацыі патрабуе адказнасці, а часта і мужнасці. Вельмі важна, каб журналісты рабілі ўсё, што ад іх залежыць, для працвітання роднай краіны, дадала яна.

"Лепшыя матэрыялы эканамічнай тэматыкі" прадставіла, на думку журы, "Рэспубліка". Узнагароду конкурсу ў намінацыі "Лепшыя матэрыялы сацыяльнай тэматыкі" атрымала "Народная газета". Намеснік галоўнага рэдактара газеты "7 дней", заснавальнікам якой з'яўляецца Беларускае тэлеграфнае агенцтва, Алена Хадыка стала лаўрэатам гэтай намінацыі.

Статуэткай "Залатая Літара" за "Лепшыя матэрыялы па тэматыцы спорту і здаровага ладу жыцця" ўзнагароджаны карэспандэнт аддзела палітычнай і сацыяльнай інфармацыі БЕЛТА Аляксандр Новікаў.

"Лепшыя матэрыялы культурнай і гісторыка-краязнаўчай тэматыкі" прадставіла газета "На страже". "Залатой Літары" ўдастоены праект выдання "100 год на варце правапарадку". Праект "Культпаход" газеты "7 дней" удастоены лаўрэацкага звання ў гэтай намінацыі.

ХІІІ Нацыянальны конкурс друкаваных СМІ "Залатая Літара" вызначыў таксама лепшыя выданні і праекты рэгіянальных СМІ. У намінацыі "Лепшыя матэрыялы грамадска-палітычнай тэматыкі" віншаванні прымала газета "Ляхавіцкі веснік", у намінацыі "Лепшыя матэрыялы сацыяльна-эканамічнай тэматыкі" - газета "Навіны Камянеччыны". Газета "Наш час" з Ваўкавыска прадставіла лепшыя матэрыялы па тэматыцы спорту і здаровага ладу жыцця, а газета "Іўеўскі край" - культурнай і гісторыка-краязнаўчай тэматыцы. Інтэрнэт-праект "Віцьбічы: пульс падзей" газеты "Віцьбічы" атрымаў "Залатую Літару" як "Лепшы інтэрнэт-праект".

Для прадстаўнікоў усіх СМІ аб'яўлены чатыры агульныя намінацыі. Газета "Чырвонка. Чырвоная змена" выйграла, прадставіўшы лепшыя матэрыялы маладзёжнай, дзіцяча-юнацкай тэматыкі. Віншуючы пераможцу, першы сакратар Цэнтральнага камітэта БРСМ, член Савета Рэспублікі Нацыянальнага сходу Андрэй Белякоў выказаў меркаванне, што гэта прэмія - у першую чаргу магчымасць выказаць удзячнасць тым, хто робіць сваю работу дастойна і прафесійна.

Статуэтку за лепшыя матэрыялы для правядзення вольнага часу атрымаў часопіс On Air. Яе пераможцу ўручыў генеральны сакратар Сусветнага кангрэса агенцтваў навін, генеральны дырэктар Балгарскага тэлеграфнага агенцтва (БТА) Максім Мінчаў. Госць павіншаваў калег з прафесійным святам і надыходзячым Днём Перамогі, пажадаў творчых поспехаў. Лепшыя матэрыялы навукова-папулярнай тэматыкі прадставіла спецыяльны карэспандэнт аддзела сацыяльных праблем газеты "Советская Белоруссия" Юлія Васілішына. Часопіс "Беларуская думка", заснавальнікам якога з'яўляецца Беларускае тэлеграфнае агенцтва, названы лаўрэатам гэтай намінацыі. У намінацыі "Дэбют" перамогу святкаваў часопіс "Топа" ("Пачатковая школа").

Статуэткі "Залатая Літара" ўручаны таксама пераможцам у персанальных намінацыях. Імя лепшага рэпарцёра рэспубліканскіх, абласных друкаваных СМІ, інфармацыйных агенцтваў - Юлія Дылянок, аглядальнік аддзела эканамічнай і навуковай інфармацыі галоўнай рэдакцыі інфармацыі БЕЛТА.

Дзмітрый Чарняўскі, рэдактар аддзела культуры газеты "Гомельские ведомости" стаў пераможцам у намінацыі "Лепшы рэпарцёр раённых, гарадскіх, шматтыражных СМІ". Як адзначыў першы намеснік міністра інфармацыі Ігар Луцкі, віншуючы пераможцаў, рэпарцёры - гэта асаблівыя людзі, яны заўсёды павінны быць гатовы адправіцца ў шлях, выконваючы чарговае заданне.

Рэдактар аддзела палітычнай і сацыяльнай інфармацыі галоўнай рэдакцыі інфармацыі БЕЛТА Святлана Саўко стала лаўрэатам у персанальнай намінацыі "Лепшы аглядальнік", а перамогу святкавала рэдактар аддзела сацыяльных праблем газеты "Советская Белоруссия" Людміла Габасава. Яшчэ адзін прадстаўнік БЕЛТА - фотакарэспандэнт Аксана Манчук - атрымала дыплом як "Лепшы фотакарэспандэнт рэспубліканскіх, абласных друкаваных СМІ, інфармацыйных агенцтваў", уступіўшы галоўную ўзнагароду Яну Гарбанюку, фотакарэспандэнту беларускай ваеннай газеты "Во славу Родины" (ваеннае інфармагенцтва Узброеных Сіл Беларусі "Ваяр") за цыкл работ "Армейскія будні". Лепшым фотакарэспандэнтам раённых, гарадскіх, шматтыражных друкаваных СМІ названа Ганна Пашчанка - фотакарэспандэнт газеты "Гомельские ведомости".

Блог пад рубрыкай "Погляд" у тэматычнай паласе "Жыццё як яно ёсць..." спецыяльнага карэспандэнта ІА "Магілёўскія ведамасці" Віктара Кубекі атрымаў узнагароду ў намінацыі "Лепшая аўтарская калонка, блог друкаваных СМІ, інфармагенцтваў". Прадстаўнік УП "БЕЛТА" - аглядальнік газеты "7 дней" Вольга Касцюковіч - удастоена лаўрэацкага звання ў гэтай намінацыі за аўтарскую калонку "Мозг у рэжыме OFF". "Тым, хто піша блог, трэба мець мужнасць і смеласць, таму што гэта аўтарская пазіцыя. Гэта тое, што вызначае беларускую журналістыку, і таму ёй давяраюць", - выказаў перакананасць дэкан факультэта філасофіі і сацыяльных навук БДУ Вадзім Гігін, віншуючы лепшых у гэтай намінацыі.

Сайт "Гродзенскай праўды" адзначаны як "Лепшы інтэрнэт-праект". "Лепшы інтэрнэт-праект раённых, гарадскіх, шматтыражных друкаваных СМІ" - інтэрнэт-праект "Віцьбічы: пульс падзей" газеты "Віцьбічы". Узнагароды пераможцам уручыў генеральны дырэктар Беларускага тэлеграфнага агенцтва Дзмітрый Жук.

Асноўнымі мэтамі конкурсу з'яўляюцца ўсямернае садзейнічанне развіццю друкаваных сродкаў масавай інфармацыі, інфармацыйных агенцтваў краіны, актуалізацыя значных тэматычных напрамкаў дзейнасці друкаваных СМІ па рэалізацыі дзяржаўнай інфармацыйнай палітыкі, павышэнне прафесійнага і ідэйна-змястоўнага ўзроўню друкаваных СМІ, стымуляванне творчай дзейнасці журналістаў і іншых творчых работнікаў, занятых у працэсе выпуску друкаваных СМІ, а таксама прэс-сакратароў і работнікаў прэс-службаў органаў дзяржаўнага кіравання і арганізацый.

Усяго на конкурс ад друкаваных СМІ, а таксама асобных журналістаў і творчых работнікаў друкаваных СМІ паступіла 258 заявак.

Арганізатарам конкурсу выступае Міністэрства інфармацыі Беларусі.