Галоўныя навіны
Больш за 45 высокатэхналагічных распрацовак прадставіць Беларусь на выстаўцы "ЭКСПА-2017" у Астане
8 чэрвеня, Мінск /Кар. БЕЛТА/. Больш за 45 высокатэхналагічных распрацовак прадставіць Беларусь на міжнароднай спецыялізаванай выстаўцы "ЭКСПА-2017" у Астане, паведамілі БЕЛТА ў прэс-службе Дзяржаўнага камітэта па навуцы і тэхналогіях.
Сярод распрацовак Мінадукацыі, Мінпрама, НАН Беларусі - электробус і макет аўтобуса МАЗ на газавым паліве, моцныя крыніцы сілкавання шырокага прымянення пятага тэхналагічнага ўкладу, энергаэфектыўныя матэрыялы і тэхналогіі і інш. Акрамя таго, на беларускім стэндзе адбудзецца прэзентацыя 14 інвестыцыйных праектаў, у тым ліку будаўніцтва Бешанковіцкай ГЭС на Заходняй Дзвіне і новай этылен-прапіленавай устаноўкі ў ААТ "Нафтан". Для гасцей павільёна падрыхтаваны мультымедыйныя прэзентацыі і відэаролікі аб беларускіх праектах і распрацоўках.
Нацыянальная экспазіцыя на выстаўцы "ЭКСПА-2017" у Астане праводзіцца ў адпаведнасці з планам нацыянальных выставак Беларусі за мяжой на 2017 год. Згодна з дакументам Дзяржаўны камітэт па навуцы і тэхналогіях з'яўляецца арганізатарам нацыянальнай экспазіцыі, а ДУ "БелІСА" - нацыянальным выставачным аператарам.
версія для друку
зрабіць стартавай
дабавіць у выбранае