У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

10 Жнв 2018

Бязвізавы рэжым пачаў дзейнічаць паміж Беларуссю і Кітаем

Бязвізавы рэжым пачаў дзейнічаць паміж Беларуссю і Кітаем

10 жніўня, Мінск /Кар. БЕЛТА/. Пагадненне аб бязвізавым рэжыме паміж Беларуссю і Кітаем сёння ўступіла ў сілу, паведамляе БЕЛТА.

Беларусы могуць знаходзіцца ў Кітаі без візы да 30 дзён у адной паездцы, але не больш за 90 дзён у годзе. Такое ж правіла дзейнічае для кітайскіх грамадзян. Калі чалавек захоча заставацца ў краіне больш за 30 дзён або займацца вучэбнай, прафесійнай дзейнасцю, трэба будзе атрымліваць спецыяльную візу. У бязвізавы рэжым закладзены прыватныя паездкі, бізнес-камандзіроўкі, турыстычныя паездкі.

Міжурадавае пагадненне аб узаемным бязвізавым рэжыме для ўладальнікаў звычайных пашпартоў было заключана 10 чэрвеня ў Цындаа ў час рабочага візіту Прэзідэнта Беларусі ў КНР. З падпісаннем дакумента Беларусь апынулася ў ліку нямногіх краін Еўропы, у якіх устаноўлены бязвізавы рэжым з Кітаем.

Як адзначаў раней Надзвычайны і Паўнамоцны Пасол Кітая ў Беларусі Цуй Цымін, дзякуючы бязвізаваму рэжыму жыхары дзвюх краін будуць часцей падарожнічаць і змогуць больш даведацца адзін аб адным. "Гэта ўмацуе нашу дружбу", - сказаў ён.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс