У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

12 Жнв 2016

Беларус Уладзімір Самсонаў уступіў у матчы за бронзу і заняў чацвёртае месца на летніх Гульнях у Рыа

Беларус Уладзімір Самсонаў уступіў у матчы за бронзу і заняў чацвёртае месца на летніх Гульнях у Рыа

12 жніўня, Рыа-дэ-Жанэйра /Аляксандр Новікаў - БЕЛТА/. Беларус Уладзімір Самсонаў уступіў у матчы за трэцяе месца алімпійскага турніру па настольным тэнісе саперніку з Японіі Дзюну Мізутані з лікам 1:4 (4:11, 9:11, 11:6, 12:14, 8:11), паведамляе карэспандэнт БЕЛТА.

Пачатак матчу для беларуса стаў не вельмі ўдалым. Яму спатрэбіліся два сэты, каб прыстасавацца да гульні апанента. У ходзе другога сэта Уладзімір Самсонаў вёў 9:7, але не ўтрымаў перавагі, дапусціўшы некалькі памылак, - 9:11. Больш удала для беларуса склалася трэцяя партыя матчу. Дзюн Мізутані не змог справіцца з ударамі саперніка. Адзін з ключавых эпізодаў сустрэчы за бронзавую ўзнагароду адбыўся пры ліку 5:9 у чацвёртым сэце. Уладзімір Самсонаў змог адыграць адставанне ў чатыры ачкі - 9:9, ён меў тры сэтболы, але не рэалізаваў ні аднаго, прайграўшы 12:14. На заключным адрэзку гульні Дзюн Мізутані адчуваў сябе больш упэўнена і перайграў 40-гадовага беларускага тэнісіста.

Беларус Уладзімір Самсонаў уступіў у матчы за бронзу і заняў чацвёртае месца на летніх Гульнях у РыаДля беларускага тэнісіста гэта была шостая Алімпіяда ў кар'еры. Чацвёртае месца на Гульнях - лепшы вынік удзелу беларуса ў галоўных стартах чатырохгоддзя. У 1996 і 2000 гадах Уладзімір Самсонаў завяршаў барацьбу за ўзнагароды на стадыі чвэрцьфіналу. У Афінах (2004), Пекіне (2008) і Лондане (2012) ён не змог прабіцца ў васьмёрку мацнейшых.

За доўгія гады прафесійнай кар'еры Уладзімір Самсонаў 24 разы выйграваў спаборніцтвы серыі Сусветнага тура, а таксама шмат разоў станавіўся пераможцам і прызёрам чэмпіянатаў свету і Еўропы ў адзіночным, парным і камандным разрадах. На працягу 15 гадоў Уладзімір Самсонаў уваходзіў у топ-10 сусветнага рэйтынгу (1996-2011). Згодна з сусветным рэйтынгам, апублікаваным у жніўні Міжнароднай федэрацыяй, беларускі тэнісіст займае дзявятае месца.Беларус Уладзімір Самсонаў уступіў у матчы за бронзу і заняў чацвёртае месца на летніх Гульнях у Рыа

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс