У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

31 Жнв 2016

Беларусь прэтэндуе на званне лепшага ў Еўропе рэгіёна для аўтсорсінгу

Беларусь прэтэндуе на званне лепшага ў Еўропе рэгіёна для аўтсорсінгу

31 жніўня, Мінск /Кар. БЕЛТА/. Беларусь і кампаніі Парка высокіх тэхналогій сталі фіналістамі конкурсу Еўрапейскай асацыяцыі аўтсорсінгу (EOA) 2016 EOA Awards. Такая інфармацыя размешчана на сайце ПВТ, паведамляе БЕЛТА.

У фінал 2016 EOA Awards выйшлі і Беларусь як краіна ў цэлым (у намінацыі "Лепшы рэгіён года для аўтсорсінгу"), і дзве вядучыя кампаніі Парка высокіх тэхналогій - ЕРАМ (у намінацыі "Еўрапейскі аўтсорсінгавы ІТ-праект года") і IBA (у намінацыі "Узнагарода за карпаратыўную сацыяльную адказнасць").

Беларусь у ліку краін-лідараў у аўтсорсінгу намініравана на міжнародную ўзнагароду на той падставе, што беларуская індустрыя ІТ-аўтсорсінгу ўносіць значны ўклад у нацыянальную эканоміку і служыць асновай для пабудовы інфармацыйнага грамадства і эканомікі ведаў у краіне. У Беларусі знаходзяцца буйнейшыя кампаніі Усходняй Еўропы, якія прадастаўляюць паслугі ІТ-аўтсорсінгу.

Кампанія IBA на прыз у галіне карпаратыўнай сацыяльнай адказнасці вылучана дзякуючы праекту "Папулярызацыя інфармацыйных тэхналогій у Рэспубліцы Беларусь сярод людзей з абмежаванымі магчымасцямі". У час яго рэалізацыі 120 чалавек прайшлі навучанне па асновах сістэмнага адміністравання, у тым ліку 89 - аддалена. Пасля завяршэння навучання IBA арганізавала рэспубліканскі конкурс па сістэмным адміністраванні для людзей з абмежаванымі магчымасцямі, у якім прынялі ўдзел 45 выпускнікоў праекта, 10 з іх былі адабраны ў фінал. Сёння былыя студэнты перадаюць набытыя навыкі сістэмнага адміністравання іншым, а 6 выпускнікоў, уключаючы пераможцу, знайшлі работу.

На цырымоніі ў балгарскай Сафіі 6 кастрычніка будзе аб'яўлена, хто з фіналістаў стаў пераможцам у кожнай з намінацый.

Еўрапейская асацыяцыя аўтсорсінгу - вядучая еўрапейская асацыяцыя ў індустрыі аўтсорсінгу, якая прадстаўляе інтарэсы юрыдычных і фізічных асоб па ўсім спектры аўтсорсінгу - заказчыкаў, правайдараў і кансультантаў. ЕОА ставіць сваё мэтай удасканаленне і развіццё індустрыі аўтсорсінгу шляхам інфармавання, навучання, стандартызацыі і пашырэння інавацыйных ідэй.

На конкурсе 2016 EOA Awards ушаноўваюцца еўрапейскія аўтсорсінгавыя кампаніі за майстэрства, дасягненні ў галіне інавацый, а таксама прымяненне лепшых практык аўтсорсінгу.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі