Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

29 Снж 2016

Алег Навіцкі з космасу павіншаваў Беларусь з Новым годам

Алег Навіцкі з космасу павіншаваў Беларусь з Новым годам

29 снежня, Мінск /Кар. БЕЛТА/. Камандзір касмічнага карабля "Саюз МС-03", які 16 лістапада стартаваў з Байканура на каляземную арбіту, Алег Навіцкі прыслаў з космасу віншаванне для Беларусі з Новым годам. Аб гэтым БЕЛТА паведамілі ў пасольстве Беларусі ў Расіі.

"Жадаем касмічных поспехаў ва ўсім і вялікага зямнога шчасця!!!" - перадаў касманаўт з Міжнароднай касмічнай станцыі.

Алег Навіцкі з космасу павіншаваў Беларусь з Новым годамУ пасольстве нагадалі, што напярэдадні старту Прэзідэнт Беларусі Аляксандр Лукашэнка накіраваў Алегу Навіцкаму тэлеграму. У ёй кіраўнік дзяржавы выказаў асаблівую ўдзячнасць за тое, што касманаўт не забывае аб сваіх каранях, аб Беларусі. "Дзе б Вы ні знаходзіліся, памятайце, што Радзіма ганарыцца дастойным сынам гераічнага і працавітага беларускага народа!" - напісаў Прэзідэнт.

"Дзяржаўны сцяг Беларусі, як сказаў касманаўт напярэдадні палёту ў космас, быў першым прадметам, які ён вырашыў узяць з сабой у экспедыцыю на арбіту ў знак пашаны і павагі да роднай зямлі, блізкіх людзей", - адзначылі ў пасольстве. "Мне будзе прыемна знаходзіцца ўдалечыні ад Зямлі і ведаць, што побач са мной - сімвал роднай краіны", - падкрэсліваў Алег Навіцкі.

Алег Навіцкі з космасу павіншаваў Беларусь з Новым годамНа МКС разам з Алегам Навіцкім працуюць астранаўты з Францыі і ЗША.

Алег Навіцкі з'яўляецца ўраджэнцам Чэрвеня Мінскай вобласці. Цяперашняя экспедыцыя - гэта другі палёт у космас. Першы раз ён знаходзіўся на арбіце з 23 кастрычніка 2012 года па 16 сакавіка 2013 года як камандзір карабля "Саюз ТМА-06М".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі