Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Галоўныя навіны

Галоўныя навіны

23 Oct 2019

Ад сельскай гаспадаркі да лічбавай інфраструктуры - што Беларусь прапануе ў супрацоўніцтве з Кубай

Ад сельскай гаспадаркі да лічбавай інфраструктуры - што Беларусь прапануе ў супрацоўніцтве з Кубай

23 кастрычніка, Мінск /Уладзімір Мацвееў - БЕЛТА/. Куба ніколі не будзе расчаравана супрацоўніцтвам з Беларуссю. Аб гэтым Прэзідэнт Беларусі Аляксандр Лукашэнка заявіў сёння на перагаворах у пашыраным складзе з Прэзідэнтам Кубы Мігелем Марыа Дыяс-Канелем Бермудэсам, перадае карэспандэнт БЕЛТА.

"Усё, аб чым мы з вамі сёння дамовімся, будзе няўхільна выконвацца", - падкрэсліў беларускі лідар.

Ён асабліва адзначыў, што адзін са сваіх першых замежных візітаў на пасадзе Прэзідэнта Кубы Мігель Дыяс-Канель робіць менавіта ў Беларусь. "Гэта падкрэслівае ваш інтарэс да нашай краіны як да надзейнага і праверанага партнёра і сябра", - сказаў Аляксандр Лукашэнка.

У сваю чаргу Куба для Беларусі - надзейны саюзнік у рэгіёне Лацінскай Амерыкі. "Нашы краіны аб'ядноўваюць агульныя пункты гледжання па актуальных праблемах сучаснага свету і канструктыўная сумесная работа на розных міжнародных форумах", - падкрэсліў кіраўнік дзяржавы.

Аб вернасці ідэалам

"Куба заўсёды была і застаецца для нас прыкладам мужнасці, стойкасці і вернасці сваім ідэалам", - адзначыў Прэзідэнт.

Аляксандр Лукашэнка заявіў, што Беларусь гэтак жа, як і Куба, прытрымліваецца меркавання аб недапушчальнасці выкарыстання аднабаковых абмежавальных мер у палітыцы і гандлі. "Лічым, што такія дзеянні ў корані супярэчаць нормам права, падрываюць давер і вядуць да росту напружанасці", - упэўнены Аляксандр Лукашэнка.

Аб пераўтварэннях у Кубе

Кіраўнік беларускай дзяржавы адзначыў, што ў Мінску з вялікім інтарэсам назіраюць за сістэмнымі палітычнымі пераўтварэннямі, якія праводзяцца пры шырокай грамадскай падтрымцы.

"Упэўнены, што новая Канстытуцыя, якая зафіксавала дасягненні Кубінскай рэвалюцыі, стане трывалай асновай устойлівага і дынамічнага развіцця на доўгія гады", - сказаў Прэзідэнт.

Аб беларуска-кубінскім супрацоўніцтве

Традыцыйна важнай сферай узаемадзеяння дзвюх краін з'яўляецца сельская гаспадарка. "Кубінскія аграрыі - частыя і заўсёды жаданыя госці ў Беларусі. Мы гатовы дзяліцца сваім перадавым вопытам, ведамі і тэхналогіямі, якія ўяўляюць для вас інтарэс. Гэта ў роўнай ступені датычыцца і прадукцыі сельскагаспадарчага машынабудавання, якая яшчэ з савецкага часу добра вядома на Востраве свабоды", - заявіў беларускі лідар.

"Разумеючы важнасць беларускіх тавараў для Кубы, мы ў вельмі няпростых для нас умовах вырашылі пытанне аб прадастаўленні крэдытаў для фінансавання паставак на максімальна выгадных умовах. Гэта дало нам магчымасць рэалізаваць шэраг сумесных цікавых праектаў", - акцэнтаваў увагу Аляксандр Лукашэнка.

Ужо адпрацаваны чарговыя кантракты на суму больш як 30 млн еўра. Прычым не толькі ў галіне сельскай гаспадаркі. Падпісана пагадненне аб пастаўцы на Кубу беларускіх станкоў, абмяркоўваецца магчымасць стварэння сумеснай вытворчасці бытавой тэхнікі.

Ёсць перспектывы супрацоўніцтва і ў лічбавай сферы. "У нас створана прававая база на аснове лепшых сусветных практык, развіваецца лічбавая інфраструктура", - адзначыў кіраўнік дзяржавы.

У мэтах максімальнай інтэграцыі ведаў, перадавога вопыту і тэхналогій у эканоміку Беларусь удасканальвае сваю сістэму адукацыі і, як сказаў Прэзідэнт, прапануе Кубе рэалізаваць існуючы патэнцыял у гэтай галіне на прынцыпах узаемадапаўняльнасці.

Аб перспектывах стратэгічнага партнёрства

Аляксандр Лукашэнка адзначыў, што даныя эканамічнай статыстыкі сведчаць аб тым, што магчымасці гандлю Беларусі і Кубы выкарыстоўваюцца далёка не ў поўнай меры. "Таму мы з вамі прынялі рашэнне, што на кароткую перспектыву да наступнага майго візіту ў Кубу нашы прадстаўнікі ўрадаў распрацуюць дарожную карту, план дзеянняў, выкананне якога мы можам пракантраляваць у час майго візіту", - сказаў Прэзідэнт.

"Упэўнены, што сёння мы вызначым шляхі пераадолення існуючых бар'ераў, і наша супрацоўніцтва ў эканамічнай сферы выйдзе на ўзровень стратэгічнага партнёрства", - заявіў ён.

Кіраўнік дзяржавы падкрэсліў, што для далейшага руху наперад ёсць усё неабходнае: развітая вытворчая база, перадавы вопыт, тэхналогіі, а таксама палітычная воля, узаемаразуменне і падтрымка кіраўнікоў дзяржаў.

Ён таксама выказаў упэўненасць, што вынікі перагавораў у Мінску будуць садзейнічаць развіццю разнапланавага беларуска-кубінскага дыялогу, дадуць магчымасць дасягнуць прынцыповых дамоўленасцей аб далейшым супрацоўніцтве.

Згодна з данымі статыстыкі, у апошнія гады аб'ём гандлю Беларусі з Кубай істотна зменшыўся. Тавараабарот у 2018 годзе склаў $16,9 млн (28 працэнтаў да ўзроўню 2017 года), беларускі экспарт - $15,3 млн (70,5 працэнта), імпарт - $1,6 млн (4,1 працэнта). Асноўнымі экспартнымі пазіцыямі з'яўляліся спецыфічныя тавары, поршневыя рухавікі ўнутранага згарання, часткі і прылады для аўтамабіляў і трактароў, шыны, прычэпы і паўпрычэпы. Імпартаваліся пераважна лекавыя сродкі і моцныя спіртныя напіткі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі