Навіны чэмпіянату свету па хакеі-2021 у Мінску і Рызе

Беларусь і Латвія прымуць чэмпіянат свету па хакеі ў 2021 годзе

19 мая, Мінск /Кар. БЕЛТА/. Беларусь і Латвія прымуць чэмпіянат свету па хакеі ў 2021 годзе. Аб гэтым стала вядома сёння па выніках галасавання ў ходзе кангрэса Міжнароднай федэрацыі хакея (ІІХФ), які праходзіць у Кёльне, паведамляе карэспандэнт БЕЛТА.

Галасаванне па выбары месца правядзення сусветнага форуму ў 2021 годзе ў атэлі Hyatt Regency Cologne было тайным. За сумесную заяўку Мінска і Рыгі на кангрэсе ІІХФ было пададзена 55 галасоў, за заяўку Фінляндыі - 52.

Беларусь і Латвія падалі сумесную заяўку на правядзенне чэмпіянату свету па хакеі ў студзені бягучага года.

У Латвіі чэмпіянат упершыню праводзіўся ў 2006 годзе. Беларусь станавілася гаспадыняй сусветнага форуму ў 2014 годзе. Вырашальны паядынак, у якім зборная Расіі перамагла Фінляндыю з лікам 5:2, адбыўся на "Мінск-Арэне", якая ўмяшчае 15 086 гледачоў. Плануецца, што фінал і паўфінальныя матчы чэмпіянату свету 2021 года пройдуць у Мінску.

версія для друку

зрабіць стартавай

дабавіць у выбранае