Гуманітарнае супрацоўніцтва

У Гаване адбылася перадача Кубе беларускай гуманітарнай дапамогі

Фота з архiва

21 жніўня, Мінск /Кар. БЕЛТА/. Цырымонія перадачы беларускай гуманітарнай дапамогі Кубе адбылася ў Гаване. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

У мерапрыемстве па перадачы грузу прынялі ўдзел Надзвычайны і Паўнамоцны Пасол Беларусі ў Рэспубліцы Куба Віталь Барчук, дырэктар кубінскага Нацыянальнага інстытута гематалогіі і імуналогіі Вільфрэда Роке Гарсія, а таксама прадстаўнікі Міністэрства аховы здароўя, Міністэрства знешняга гандлю і замежных інвестыцый і Міністэрства замежных спраў.

Гуманітарная дапамога ўключае 13 пазіцый, сярод якіх лекавыя прэпараты, мясныя кансервы і сухое неразведзенае малако.

Вільфрэда Роке Гарсія ад імя ўрада і ўсяго кубінскага народа шчыра падзякаваў брацкай Беларусі за такі жэст добрай волі і адзначыў, што прадастаўленая беларускім урадам гуманітарная дапамога вельмі своечасовая і ўнясе важкі ўклад у паляпшэнне эпідэміялагічнай і харчовай сітуацыі на Кубе.

версія для друку

зрабіць стартавай

дабавіць у выбранае