У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Гуманітарнае супрацоўніцтва

Гуманітарнае супрацоўніцтва

13 Май 2020

Сродкі аховы і лінія па вытворчасці масак прыбылі ў Беларусь з Кітая

Сродкі аховы і лінія па вытворчасці масак прыбылі ў Беларусь з Кітая

13 мая, Мінск /Кар. БЕЛТА/. Самалёт Мінабароны Беларусі Іл-76 з гуманітарнай дапамогай з Кітая прызямліўся на аэрадроме ў Мачулішчах пад Мінскам. У складзе грузу аўтаматычная лінія па вытворчасці рэспіратаў, апараты ШВЛ і ахоўныя сродкі, перадае карэспандэнт БЕЛТА.

Гэта трэцяя дастаўка з Кітая гуманітарнага грузу для Беларусі, якая праведзена па рашэнні кіраўніка дзяржавы і ў адпаведнасці з пастановай урада. Груз сфарміраваны рэгіёнамі-пабрацімамі ў Кітайскай Народнай Рэспубліцы. Каардынатар дастаўкі - МНС Беларусі. Агульная вага грузу - большая за 10 т.

Курсанты Універсітэта грамадзянскай абароны МНС перагрузяць дапамогу ў аўтатранспарт МНС, потым яе даставяць на склады Міністэрства аховы здароўя.

"У гэтым грузе рэспіратары, тэсты, экспрэс-тэсты, абсталяванне для вытворчасці айчынных рэспіратараў, пульсаксіметры, бескантактавыя тэрмометры, ахоўныя камбінезоны", - паведаміў намеснік міністра аховы здароўя Барыс Андрасюк. Таксама гэтым рэйсам прыбылі 11 апаратаў штучнай вентыляцыі лёгкіх.

"Глядзім у першую чаргу тыя рэгіёны, дзе найбольш напружаная абстаноўка, - туды ідзе крыху больш. Астатняе размяркоўваецца раўнамерна па ўсёй краіне", - расказаў намеснік міністра.

Ён выказаў удзячнасць за дапамогу кітайскаму боку, а таксама кампаніям, якія праявілі сваю грамадзянскую пазіцыю: "Энерга-Оіл" і Wargaming.

Намеснік міністра па надзвычайных сітуацыях Андрэй Юржыц суправаджаў груз. Ён праінфармаваў аб тым, што рэйс прайшоў у штатным рэжыме. "Экіпаж справіўся са сваёй задачай на "выдатна", - сказаў на заканчэнне намеснік міністра.

Як паведамлялася, сёння раніцай з Пекіна ў Мінск вылецеў беларускі самалёт з медыцынскімі сродкамі ад гарадоў Пекін, Чанчунь, Сіньцзян-Уйгурскага аўтаномнага раёна. У складзе грузу закупленая ў Кітаі лінія па вытворчасці рэспіратараў KN95. Будзе наладжана ўласная вытворчасць, якая забяспечыць патрэбнасць і ў плоскіх масках, і ў рэспіратарах 2-га і 3-га ўзроўняў абароны.

Больш за палавіну аб'ёму грузу - сродкі медпрызначэння, закупленыя беларускімі кампаніямі па патрабаванні Міністэрства аховы здароўя: апараты штучнай вентыляцыі лёгкіх, тэст-сістэмы, ахоўныя сродкі.

Усяго ў Беларусь з Кітая за сакавік-май накіравана больш за 90 т розных сродкаў медыцынскага прызначэння, уключаючы дапамогу ад урада КНР, рэгіёнаў і суб'ектаў гаспадарання, а таксама закупленыя беларускімі кампаніямі медыцынскія вырабы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс