Гуманітарнае супрацоўніцтва

Сем машын хуткай дапамогі "МАЗ-Купава" даставілі з Беларусі ў Бейрут

12 чэрвеня, Мінск /Кар. БЕЛТА/. Сем машын хуткай медыцынскай дапамогі вытворчасці "МАЗ-Купава" даставілі з Беларусі ў Бейрут, паведамілі БЕЛТА ў прэс-службе Мінскага аўтазавода.

У лютым гэтага года ў якасці жэста дружбы і падтрымкі ліванскага народа Прэзідэнт Беларусі даручыў перадаць 100 т сухога малака і 10 аўтамабіляў хуткай дапамогі беларускай вытворчасці. У аэрапорт Бейрута яшчэ тады прыбыў борт з першай партыяй грузу. Пастаўка сямі машын хуткай дапамогі - гэта другая частка падарунка Прэзідэнта Беларусі Аляксандра Лукашэнкі ліванскаму народу.

Кампанія "МАЗ-Купава" вырабляе аўтафургоны, аўтамабільныя і грузавыя прычэпы, рэфрыжэратары і гандлёвую спецыялізаваную аўтатэхніку. Прычэпы для аўтамабіляў рознай грузападымальнасці добра вядомы далёка за межамі краіны і карыстаюцца нязменным попытам на сусветным рынку.

версія для друку

зрабіць стартавай

дабавіць у выбранае