Запрашаем да фінансавання гуманітарных праектаў
Гуманітарны праект у Віцебскай вобласці "Я магу дапамагчы!": ЗАПРАШАЕМ да супрацоўніцтва!
Цэнтр бяспекі ўстановы "Віцебскае абласное ўпраўленне МНС Рэспублікі Беларусь" сумесна з абласной арганізацыяй Беларускага Таварыства Чырвонага Крыжа запрашае да супрацоўніцтва і суфінансавання ў рамках гуманітарнага праекта "Я магу дапамагчы!".
Тэрмін рэалізацыі: 12 месяцаў
Мэты праекта:
Знізіць колькасць выпадкаў смерці ў выніку траўмаў і няшчасных выпадкаў, а таксама з прычыны неаказанай/некампетэнтна аказанай першай дапамогі сярод насельніцтва Віцебскай вобласці, у тым ліку ў яе аддаленых малых населеных пунктах.
На шляху да агульнай мэты будзе дасягнута канкрэтная мэта праекта: палепшаны магчымасці і супрацоўніцтва грамадзян, першасных арганізацый і мясцовых уладаў, перш за ўсё зацікаўленых профільных устаноў, па развіцці прафілактыкі траўматызму і навучанні шырокіх груп насельніцтва навыкам аказання першай дапамогі.
Праект спрыяе станаўленню актыўнай пазіцыі і ўцягнутасці, а таксама зніжэння неабароненасці насельніцтва ў аддаленых сельскіх раёнах Віцебскай вобласці. Актыўныя валанцёры Віцебскай абласной арганізацыі Беларускага Таварыства Чырвонага Крыжа і работнікі ўстановы "Віцебскае абласное ўпраўленне МНС Рэспублікі Беларусь" уносяць ўклад у зніжэнне ўразлівасці, а таксама з'яўляюцца рухальнай сілай для актыўнасці грамадства, устойлівага развіцця і ўцягнутасці ў працэс прыняцця рашэнняў.
Задачы, якія плануюцца да выканання ў рамках рэалізацыі праекта:
1. Укараніць новыя методыкі работы з насельніцтвам па папярэджанні траўматызму і навучанні навыкам аказання першай дапамогі праз павышэнне кампетэнтнасці спецыялістаў, зацікаўленых структур і валанцёраў.
2. Сфарміраваць навыкі самаахоўвальных паводзінаў у насельніцтва і павысіць узровень кампетэнцый у тэме аказання першай дапамогі.
3. Актуалізаваць праблематыку недастатковай дасведчанасці насельніцтва ў галіне бяспекі жыццядзейнасці і неабходнасці валодання навыкамі аказання першай дапамогі пацярпелым.
Мэтавая група: усе ўзроставыя і сацыяльныя катэгорыі грамадзян Віцебскай вобласці, у тым ліку жыхары невялікіх населеных пунктаў.
Кароткае апісанне мерапрыемстваў у рамках праекта:
1. Падрыхтоўка трэнераў/спецыялістаў па прафілактыцы траўматызму і навучанню насельніцтва навыкам аказання першай дапамогі з ліку работнікаў груп прапаганды і ўзаемадзеяння з грамадскасцю гарадскіх і раённых аддзелаў МНС, спецыялістаў і валанцёраў Віцебскай абласной арганізацыі Беларускага Таварыства Чырвонага Крыжа ў кожным раёне Віцебскай вобласці.
2. Стварэнне мабільнага навучальнага комплексу "Я магу дапамагчы!" сумесна з Віцебскай абласной арганізацыяй Беларускага Таварыства Чырвонага Крыжа для арганізацыі даступнага інтэрактыўнага навучання ўсіх узроставых і сацыяльных катэгорый грамадзян мерам прафілактыкі траўматызму і прыёмам аказання першай дапамогі ва ўмовах імітацыі рэальнай экстрэмальнай сітуацыі.
3. Стварэнне двух занальных рэсурсных цэнтраў у горадзе Віцебску і Наваполацку на базе гарадскіх аддзелаў МНС і гарадскіх арганізацый Беларускага Таварыства Чырвонага Крыжа для правядзення рэгулярнага навучання мерам прафілактыкі траўматызму і прыёмам аказання першай дапамогі (наяўныя матэрыяльныя рэсурсы будуць выкарыстоўвацца ў планаванай працы ўсімі тэрытарыяльна блізкімі раённымі структурамі МНС і Чырвонага Крыжа).
4. Арганізацыя рэгулярнай дзейнасці мабільнага навучальнага комплексу і занальных рэсурсных цэнтраў для правядзення навучання насельніцтва мерам прафілактыкі траўматызму і прыёмам аказання першай дапамогі.
5. Арганізацыя інфармацыйнай абласной кампаніі па папулярызацыі сярод насельніцтва ведаў мер прафілактыкі траўматызму і навыкаў аказання першай дапамогі.
Агульны аб'ём фінансавання праекта (у доларах ЗША): 12900
Крыніца фінансавання: Аб'ём фінансавання (у доларах ЗША)
-
Сродкі донара (у доларах ЗША): 8100
-
Суфінансаванне (у доларах ЗША): 4800
Дэталізацыя артыкулаў выдаткаў:
| № п.п. | Назва артыкула выдаткаў | Дэталёвае апісанне | Фінансаванне за кошт | |
| Донараў | Уласных сродкаў | |||
| 1. | Манекен-трэнажор | Little Anne QCPR 8-pack (2 камплекты па 4 штукі кожны). Адзін камплект застанецца цэнтру бяспекі жыццядзейнасці і ўзаемадзеяння з грамадскасцю ўстановы "Віцебскае абласное ўпраўленне МНС Рэспублікі Беларусь", другі будзе перададзены Віцебскай абласной арганізацыі Беларускага Таварыства Чырвонага Крыжа для дзейнасці трэнераў па першай дапамозе. | 4300 | |
| 2. | 4 планшэты для падключэння да манекенаў-трэнажораў Little Anne | Samsung Galaxy Tab A 9.7 16GB Smoky Titanium (SM-T550) 4 штукі. | 1000 | |
| 3. | Распрацоўка праграмнага забеспячэння на планшэты для правядзення тэсціравання і ацэнкі якасці навучання | Распрацоўка праграмнага забеспячэння для правядзення тэсціравання, актуалізацыі вынікаў, статыстычнай ацэнкі і выяўлення праблемных пытанняў. | 1500 | |
| 4. | Стэнд-шырма і зменнае пакрыццё для падлогі | Сітуацыйны макет надзвычайнай сітуацыі. | 300 | |
| 5. | Друкаваная прадукцыя | Распрацоўка дызайну і выраб плакатаў, лістовак, буклетаў, вонкавай рэкламы. | 1000 | |
| 6. | Здымкі сацыяльнага відэароліка | Аплата паслуг відэааператара і відэамантажа. | 200 | |
| 7. | Расходныя матэрыялы для заняткаў па першай дапамозе | Бінты, сурвэткі спіртавыя, лейкапластыр, пальчаткі, маскі аднаразовыя, вата, сумкі-аптэчкі і інш. | 1200 | |
| 8. | Аплата паліва | Бензін для запраўкі аўтамабіля, які транспартуе мабільны навучальны комплекс. | 400 | |
| 9. | Канцылярскія тавары | Папера, нататнікі, ручкі, маркеры, скотч, стыкеры і г.д. | 1200 | |
| 10. | Аргтэхніка | Арэнда і амартызацыя офіснага абсталявання. | 1800 | |
Месца рэалізацыі праекта: Віцебская вобласць
Кантактная асоба: Жукаў Андрэй Сяргеевіч, намеснік начальніка Цэнтра бяспекі жыццядзейнасці і ўзаемадзеяння з грамадскасцю ўстановы "Віцебскае абласное ўпраўленне МНС Рэспублікі Беларусь", +375 (29) 831-37-27, cb.vitebsk.mchs@mail.ru
версія для друку
зрабіць стартавай
дабавіць у выбранае