У Беларусь без візы на 30 дзён
Афіцыйны сайт Рэспублікі Беларусь
Выбары Прэзідэнта Рэспублікі Беларусь 9 жніўня 2020 года
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Гуманітарнае супрацоўніцтва

Гуманітарнае супрацоўніцтва

10 Ліп 2020

Партыя анты-ВІЧ прэпаратаў на $35 тыс. паступіла ў Беларусь з Індыі

Партыя анты-ВІЧ прэпаратаў на $35 тыс. паступіла ў Беларусь з Індыі
Фота з архiва

10 ліпеня, Мінск /Кар. БЕЛТА/. Партыя дарагіх анты-ВІЧ прэпаратаў паступіла сёння на базу дзяржаўнага прадпрыемства "Акадэмфарм" Нацыянальнай акадэміі навук Беларусі, паведамілі БЕЛТА ў прэс-службе НАН.

"Гэта падарунак буйнейшай індыйскай фармацэўтычнай кампаніі Cipla Limited і асабіста старшыні праўлення кампаніі, ганаровага члена НАН Беларусі доктара Юсуфа Хваджы Хаміда. Усяго дастаўлена больш за 6 тыс. упаковак анты-ВІЧ прэпаратаў на суму большую за $35 тыс. Актыўнае садзейнічанне ў арганізацыі і дастаўцы гуманітарнай дапамогі аказаў ганаровы консул Беларусі ў Мумбаі Лаліт Кумар Чэхані", - расказалі ў прэс-службе.

Авіядастаўку і захоўванне на мытным складзе прафінансавала Аб'яднаная праграма ААН па ВІЧ/СНІДу (ЮНЭЙДС). Дакументальным забеспячэннем увозу гуманітарнай дапамогі займалася прадпрыемства "Акадэмфарм".

Атрыманыя лекавыя сродкі будуць перададзены РНПЦ пульманалогіі і фтызіятрыі ў адпаведнасці з планам размеркавання Міністэрства аховы здароўя Беларусі для пастаўкі ў лячэбныя ўстановы па ўсёй краіне. "Паміж "Акадэмфармам" і кампаніяй Cipla Limited заключаны кантракт на пастаўку анты-ВІЧ прэпаратаў на працягу 2020 года ў адрас Міністэрства аховы здароўя Беларусі", - растлумачылі ў прэс-службе.

НАН шмат гадоў актыўна супрацоўнічае з Cipla Limited. Дасягнута дамоўленасць аб лакалізацыі ў Беларусі вытворчасці эфектыўных і бяспечных лякарстваў для лячэння сацыяльна значных захворванняў: ВІЧ, гепатыту В і С, а таксама хваробы Альцгеймера і артэрыяльнай лёгачнай гіпертэнзіі.

Доктар Юсуф Хваджа Хамід з'яўляецца адным з вядучых індыйскіх вучоных і старшынёй праўлення кампаніі Cipla Limited, заснаванай у 1935 годзе яго бацькам. За межамі Індыі Юсуф Хваджа Хамід у першую чаргу вядомы тым, што імкнецца забяспечыць прэпаратамі для барацьбы са СНІДам і іншымі цяжкімі захворваннямі пацыентаў у многіх краінах свету. 16 лістапада 2017 года на сесіі Агульнага сходу Нацыянальнай акадэміі навук Беларусі ён быў аднагалосна вабраны ганаровым членам НАН.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс