Гуманітарнае супрацоўніцтва

Лівану па рашэнні Лукашэнкі будуць перададзены 100 т сухога малака і 10 беларускіх аўтамабіляў хуткай дапамогі

Фота з архiва

11 лютага, Мінск /Кар. БЕЛТА/. Міністр замежных спраў Максім Рыжанкоў на чале беларускай дэлегацыі прыбыў з візітам у Ліванскую Рэспубліку. Аб гэтым карэспандэнту БЕЛТА паведамілі ў прэс-службе беларускага знешнепалітычнага ведамства.

"11 лютага адбылася сустрэча кіраўніка беларускага знешнепалітычнага ведамства з Прэзідэнтам Лівана Жазэфам Аунам, - гаворыцца ў паведамленні. - Максім Рыжанкоў перадаў кіраўніку ліванскай дзяржавы асабістае пасланне Прэзідэнта Рэспублікі Беларусь Аляксандра Лукашэнкі, віншаванні з выбраннем на вышэйшую дзяржаўную пасаду, пажаданні больш хуткага вырашэння складаных задач, якія стаяць перад краінай, а таксама запрашэнне наведаць Рэспубліку Беларусь".

Як адзначыў кіраўнік знешнепалітычнага ведамства, выбранне Прэзідэнта і фарміраванне ўрада Лівана ўсяляюць упэўненасць у далейшым паступальным развіцці краіны і пашырэнні ўзаемавыгадных сувязей Лівана з замежнымі партнёрамі, уключаючы Рэспубліку Беларусь.

Максім Рыжанкоў паведаміў кіраўніку Лівана аб рашэнні беларускага лідара ў якасці жэста дружбы і падтрымкі ліванскага народа перадаць 100 т сухога малака і 10 аўтамабіляў хуткай дапамогі беларускай вытворчасці.

У аэрапорт г.Бейрута прыбыў ужо борт з першай партыяй грузу.

версія для друку

зрабіць стартавай

дабавіць у выбранае