У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Гуманітарнае супрацоўніцтва

Гуманітарнае супрацоўніцтва

17 Крс 2020

Кітай перадаў Беларусі больш за 100 тыс. тэстаў на каранавірус

Кітай перадаў Беларусі больш за 100 тыс. тэстаў на каранавірус

17 красавіка, Мінск /Кар. БЕЛТА/. Кітай перадаў Беларусі больш як 100 тыс. тэстаў на каранавірус. Медыцынскія вырабы былі ў складзе гуманітарнага грузу, які сёння прыбыў у Мінск, паведамілі карэспандэнту БЕЛТА ў Міністэрстве замежных спраў Беларусі.

Спецрэйс з Пекіна ў Мінск арганізавала беларускае пасольства ў Кітаі. Самалёт даставіў у Мінск больш як 30 т грузу.

"Гэта больш за сотню тысяч тэст-сістэм, масак павышанай аховы, сістэм для ПЦР-дыягностыкі, некалькі мільёнаў ахоўных масак, медпрэпараты, - удакладнілі ў МЗС. - На борце другая партыя гуманітарнай дапамогі ад нашых кітайскіх сяброў, а таксама дабрачынны крок некалькіх буйных беларускіх кампаній і закупкі дзяржаўных прадпрыемстваў".

Гэты груз таксама ўключае дапамогу, прадастаўленую правінцыямі і гарадамі Кітайскай Народнай Рэспублікі, якія ўстанавілі пабрацімскія адносіны з рэгіёнамі Беларусі. Гэта правінцыі Ганьсу, Хубэй, Хэнань, Хунань, Гуандун, Шаньдун, Цзянсу, а таксама горада Чунцын, Цяньцзінь, Шанхай і Шышоу.

У міністэрстве падкрэслілі, што цяперашняя сітуацыя ў свеце патрабуе аб'яднання намаганняў усіх - партнёраў на міжнароднай арэне і па лініі дзяржаўна-прыватнага ўзаемадзеяння. Там таксама выказалі ўдзячнасць пасольству Кітая ў Беларусі і асабіста паслу Цуй Цыміну "за салідарнасць і дружбу ў няпросты для ўсёй міжнароднай супольнасці час".

Як паведаміў 16 красавіка карэспандэнту БЕЛТА Надзвычайны і Паўнамоцны Пасол КНР у Беларусі Цуй Цымін, многія кітайскія кампаніі, якія пастаянна працуюць у Беларусі, актыўна ўдзельнічаюць у мерапрыемствах бязвыплатнага прадастаўлення медыцынскіх вырабаў беларускаму боку. Па стане на 15 красавіка, агульная сума медыцынскай гуманітарнай дапамогі, аказанай кітайскімі кампаніямі, склала амаль $1,64 млн.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс