У Беларусь без візы на 30 дзён
Афіцыйны сайт Рэспублікі Беларусь
Навіны
Каляндар падзей у Беларусі: КАСТРЫЧНІК 2020
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Гуманітарнае супрацоўніцтва

Гуманітарнае супрацоўніцтва

4 Снж 2019

Беларуска-польскае гуманітарнае супрацоўніцтва набірае абароты - Скакун

Беларуска-польскае гуманітарнае супрацоўніцтва набірае абароты - Скакун

4 снежня, Минск /Аліна Грышкевіч - БЕЛТА/. Беларуска-польскае гуманітарнае супрацоўніцтва набірае абароты. Аб гэтым заявіў дырэктар дэпартамента па гуманітарнай дзейнасці Кіраўніцтва справамі Прэзідэнта Беларусі Валерый Скакун сёння на беларуска-польскай канферэнцыі, перадае карэспандэнт БЕЛТА.

Польшча ў мінулым годзе стала шостым па аб'ёме гандлю партнёрам Беларусі і пятым па інвестыцыях у эканоміку краіны. "Супрацоўніцтва Беларусі і Польшчы ў гуманітарнай сферы таксама паступальна набірае абароты. Калі ў пачатку бягучага пяцігоддзя аб'ёмы накіраваных сродкаў складалі прыкладна 500 тыс. еўра, то ўжо ў мінулым годзе гэта лічба складала каля 900 тыс. еўра", - сказаў Валерый Скакун.

Ён адзначыў значную ролю пасольства Польшчы ў падтрымцы праектаў, накіраваных на сацыяльную інтэграцыю інвалідаў, умацаванне матэрыяльна-тэхнічнай базы ўстаноў сацабароны, адукацыі, спорту. "Час не стаіць на месцы, і сёння фінансавыя сродкі замежнай бязвыплатнай дапамогі накіроўваюцца не толькі на сацыяльныя праекты, але і праекты ў галінах прадпрымальніцтва, экалогіі. Гэтыя напрамкі з'яўляюцца апошнім часам прыярытэтнымі з пункту гледжання фінансавання", - падкрэсліў Валерый Скакун.

У якасці прыкладу ён прывёў стварэнне паруснай школы ў Браславе, пансіяната ў Бараўлянах для часовага знаходжання бацькоў і дзяцей, якія маюць патрэбу ў лячэнні, стварэнне працоўных месцаў для інвалідаў у Баранавічах.

 "Добрыя людскія сувязі, што ўзнікаюць у працэсе рэалізацыі гэтых праектаў, яшчэ больш збліжаюць нашы краіны. Сумеснымі намаганнямі мы зможам прымножыць дасягнутыя пазіцыі, а 2020 год стане годам паглыблення партнёрскіх адносін, рэалізацыі новых планаў і нявыкарыстанага патэнцыялу", - упэўнены Валерый Скакун.

У мерапрыемстве прынялі ўдзел намеснік міністра працы і сацыяльнай абароны Аляксандр Румак, пасол Польшчы ў Беларусі Артур Міхальскі, пастаянны каардынатар ААН у Беларусі Іаанна Казана-Вішнявецкі, пастаянны прадстаўнік ПРААН у Беларусі Аляксандра Салаўёва, прадстаўнік Дзіцячага фонду ААН (ЮНІСЕФ) Мустафа Сарвар.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс