Гуманітарнае супрацоўніцтва

Беларусь акажа гуманітарную дапамогу В'етнаму

5 лістапада, Мінск /Кар. БЕЛТА/. Беларусь акажа гуманітарную дапамогу В'етнаму. Гэта прадугледжана пастановай Савета Міністраў ад 3 лістапада 2021 года нумар 630, якая сёння афіцыйна апублікавана на Нацыянальным прававым інтэрнэт-партале, паведамляе БЕЛТА.

Дакумент аб аказанні гуманітарнай дапамогі В'етнаму прыняты на аснове Палажэння аб парадку аказання Рэспублікай Беларусь міжнароднай гуманітарнай дапамогі.

Міністэрствам аховы здароўя, прамысловасці, па надзвычайных сітуацыях даручана забяспечыць водпуск і афармленне матэрыяльных каштоўнасцей для аказання гуманітарнай дапамогі В'етнаму. У пераліку - 8 пазіцый на агульную суму больш як Br850 тыс. Сярод іх - рэанімацыйна-хірургічныя маніторы, партатыўныя маніторы пацыента, блокі падачы медыцынскіх газаў, медыцынскія ложкі з электрапрыводам, каталкі, камбінезоны медпрызначэння.

Дакументам вызначана, што дастаўку грузу забяспечаць МНС і Міністэрства транспарту і камунікацый. Міністэрства замежных спраў акажа садзейнічанне ў перадачы в'етнамскаму боку гуманітарнай дапамогі.

Пастанова ўступае ў сілу з дня яе прыняцця.

версія для друку

зрабіць стартавай

дабавіць у выбранае