Прэзідэнцкія выбары-2025 у Беларусі

ЦВК: на выбарах Прэзідэнта Беларусі па краіне дома прагаласавала больш як 278 тыс. выбаршчыкаў

31 студзеня, Мінск /Кар. БЕЛТА/. На выбарах Прэзідэнта Беларусі па краіне дома прагаласавала больш як 278 тыс. выбаршчыкаў, паведаміла ў праекце БЕЛТА "Краіна гаворыць" начальнік аддзела прававой, аналітычнай і метадычнай работы апарату Цэнтральнай выбарчай камісіі Беларусі Алена Грыгаровіч.

"Усяго па краіне дома прагаласавала больш як 278 тыс. выбаршчыкаў", - адзначыла Алена Грыгаровіч.

Як падкрэсліў прадстаўнік Цэнтра грамадскага назірання за выбарамі Аляксандр Іваненка, галасаванне дома таксама праходзіць пры выкананні ўсіх патрабаванняў заканадаўства. "Галасаванне дома - гэта, па вялікім рахунку, такі беларускі адказ галасаванню па пошце. Толькі, калі ў некаторых краінах прадугледжана, што, калі не можаш або не хочаш прыйсці на выбарчы ўчастак, - раздрукаваў, паклаў і адправіў па пошце. І пры гэтым незразумела: хто гэта зрабіў, ці пад прымусам, ці сам чалавек галасаваў, якім чынам, колькі пісем адпраўляў? Тут даволі ўсё празрыста", - сказаў ён.

"Сапраўды немабільныя або маламабільныя грамадзяне маюць права такім спосабам свайго волевыяўлення скарыстацца. Але таксама, як правіла, у рэгіёнах гэта жыхары аддаленых цяжкадаступных вёсак. Да іх выязджаюць з наглядальнікамі члены камісій, пры гэтым абавязкова апячатаны урны. У адрозненне ад галасавання па пошце, у гэтым выпадку выканаць усе патрабаванні заканадаўства значна прасцей. А на Захадзе няхай глядзяць і зайздросцяць", - дапоўніў Аляксандр Іваненка.-0-

версія для друку

зрабіць стартавай

дабавіць у выбранае