Прэзідэнцкія выбары-2025 у Беларусі

Памфілава: выбары ў Беларусі добра арганізаваны і праходзяць у адпаведнасці з заканадаўствам

24 студзеня, Мінск /БЕЛТА - ТАСС/. Выбары Прэзідэнта Беларусі добра арганізаваны і праходзяць у адпаведнасці з заканадаўствам. Аб гэтым заявіла старшыня ЦВК Расіі Эла Памфілава, якая прыбыла ў Мінск для ўдзелу ў назіранні за выбарамі Прэзідэнта Рэспублікі Беларусь.

"Магу сказаць, што ўсё адпавядае заканадаўству, усё добра арганізавана. Калегі, якія назіралі за датэрміновым галасаваннем, гавораць мне аб высокай яўцы, аб тым, што добра падрыхтаваны ўчасткі", - адзначыла яна.

"Папярэдне, тая работа, якая была праведзена, па-мойму, бліскуча была арганізавана, усё вельмі добра", - дадала Памфілава.

Старшыня ЦВК РФ таксама выказала ўпэўненасць, што члены выбарчых камісій Беларусі дадуць дастойны адпор у выпадку, калі на выбарах Прэзідэнта краіны будуць зроблены спробы правакацый. "Я ўпэўнена, што члены выбарчых камісій Беларусі гатовы да розных правакацый і дадуць ім дастойны адпор", - заявіла Памфілава.

версія для друку

зрабіць стартавай

дабавіць у выбранае