Прэзідэнцкія выбары-2025 у Беларусі

Наглядальнік з Латвіі: у нас заводы ў 1990-я "накрыліся медным тазам", а Беларусь свае захавала

Юрый Аляксееў

27 студзеня, Мінск /Кар. БЕЛТА/. Дзякуючы моцнай прэзідэнцкай уладзе ў Беларусі ў 1990-я былі захаваны прадпрыемствы, у той час як у Латвіі ўлада гэтага не зрабіла. Аб гэтым карэспандэнту БЕЛТА ў Інфацэнтры Цэнтральнай выбарчай камісіі паведаміў незалежны міжнародны наглядальнік з Латвіі Юрый Аляксееў.

"У 1990-я я разам з калектывам колькасцю 15 тыс. чалавек страціў работу - наша прадпрыемства, дзе працаваў інжынерам-канструктарам, закрылі. Мы ўсе засталіся на вуліцы. Я стаў журналістам, некаторыя пайшлі на рынак гандляваць. Тады многія нашы прадпрыемствы "накрыліся медным тазам", а Беларусь свае захавала дзякуючы моцнай прэзідэнцкай уладзе", - такое меркаванне выказаў наглядальнік.

Ён адзначыў, што выбары Прэзідэнта ў Беларусі вельмі адрозніваюцца ад аналагічнай кампаніі ў Латвіі: "У вас кіраўніка дзяржавы выбіраюць людзі, а ў Латвіі - сейм. У ім засядаюць тыя, хто не зацікаўлены ў з'яўленні моцнага лідара. Іх мэта - каб прэзідэнт ціха і непрыкметна сядзеў на пасадзе свае чатыры гады і не перашкаджаў ім дзяліць грошы. У Беларусі ж людзі зацікаўлены выбраць сапраўднага лідара".

Юрый Аляксееў расказаў, што быў вымушаны бегчы з Латвіі. "Я, журналіст з 35-гадовым стажам, уваходжу ў тройку тых, каго называюць "залатое пяро", у сваёй краіне, быў вымушаны бегчы, таму што каля 13 гадоў таму арганізаваў дыскусійны клуб, а праз 8 гадоў пасля гэтага на мяне завялі крымінальную справу. Абвінавацілі ў нанясенні шкоды Латвійскай Рэспубліцы. Прычым ні да аднаго матэрыялу на маім рэсурсе прэтэнзій не было, але да самога яго існавання - былі. Справа ў тым, што дэвіз гэтага рэсурсу - "Тэрыторыя асаблівых меркаванняў". Аказалася, у Латвіі асаблівага меркавання быць не можа - толькі супадаючае з лініяй партыі ўрада", - падкрэсліў Юрый Аляксееў.

версія для друку

зрабіць стартавай

дабавіць у выбранае