Прэзідэнцкія выбары-2025 у Беларусі

Наглядальнік са Швецыі: у Беларусі выбарчы працэс адкрыты і сумленны

26 студзеня, Мінск /Кар. БЕЛТА/. У Беларусі выбарчы працэс адкрыты і сумленны, заявіў журналістам у Інфармацыйным цэнтры ЦВК незалежны наглядальнік з Каралеўства Швецыя Ёнсан Бо Эрык, перадае карэспандэнт БЕЛТА.

"Людзі ў вас вельмі адкрытыя. Мы наведалі вялікую колькасць участкаў, і на кожным з іх нам паказалі ўвесь працэс галасавання. Я быў прыемна здзіўлены таму, што тым, хто галасуе ўпершыню (каму толькі споўнілася 18 гадоў), дораць падарункі - кнігу аб сімвалах краіны, а таксама світшот з надпісам "Гэта мой першы голас". У маёй краіне няма такой адкрытасці, нашай дзяржаве ёсць чаму павучыцца ў Рэспублікі Беларусь адназначна", - сказаў Ёнсан Бо Эрык.

Паводле яго слоў, Швецыі ёсць чаму павучыцца ў Беларусі і ў плане правядзення пагранічнага і мытнага кантролю. "І яшчэ хацеў бы дадаць: успамінаю тое, што пішуць заходнія медыя - і бачу цяпер цалкам іншую карціну. Усё, аказваецца, не так, як падносяць заходнееўрапейскія СМІ", - адзначыў наглядальнік.

Ёнсан Бо Эрык таксама наведаў Цэнтр грамадскага назірання за выбарамі. "Я ўражаны якасцю падрыхтоўкі яго спецыялістаў. Настолькі высокакваліфікаваныя прафесіяналы там працуюць, што яны гатовы адказваць на ўсе пытанні, якія паступаюць", - падкрэсліў ён.

Шведскі наглядальнік адзначыў, што гатовы расказваць пра Беларусь у сябе ў краіне. "Вядома, я гатовы дзяліцца ўбачаным. Выбары ў Рэспубліцы Беларусь праходзяць незалежна, у чым я ўчора пераканаўся на ўласныя вочы. У Беларусі цудоўны выбарчы працэс, адкрыты і сумленны", - канстатаваў ён.

версія для друку

зрабіць стартавай

дабавіць у выбранае