Прэзідэнцкія выбары-2015 у Беларусі

11 кастрычніка, Мінск /Кар. БЕЛТА/. Кіраўнік місіі БДІПЧ АБСЕ Жак Фор назіраў за распячатваннем выбарчай урны і падлікам галасоў на ўчастку для галасавання нумар 19 мінскай сярэдняй школы нумар 101. Як адзначыў Жак Фор у гутарцы з карэспандэнтам БЕЛТА, для яго гэта вельмі цікавы вопыт.

Кіраўнік місіі БДІПЧ АБСЕ, наведваючы вечарам два выбарчыя ўчасткі ў СШ нумар 101, пагутарыў з наглядальнікамі. Паводле іх слоў, працэс выбараў сёння праходзіў спакойна, пры гэтым актыўна ў галасаванні ўдзельнічала моладзь.

Раней Жак Фор займаў такія пасады, як пасол Францыі ва Украіне, сустаршыня Мінскай групы АБСЕ (па ўрэгуляванні нагорна-карабахскага канфлікту).