Прэзідэнцкія выбары-2015 у Беларусі

"Трэба вельмі акуратна ставіцца да людзей, якія прыязджаюць са сваім укладам жыцця і рэлігіяй", - лічыць кандыдат.

Мікалай Улаховіч таксама адзначыў, што не ўсе заўважаюць з'яўленне ў Беларусі гастарбайтараў і імігрантаў, у тым ліку бежанцаў. "Калі да нас прыязджаеце з мірам, калі ласка, жывіце па нашых законах", - звярнуўся ён да гэтых груп насельніцтва.

Акрамя таго, кандыдат чарговы раз выказаўся за тое, каб суддзі выбіраліся, а потым зацвярджаліся ўказам Прэзідэнта. Таксама выбарнымі, на яго думку, павінны быць губернатары, мэры і начальнікі райаддзелаў міліцыі. "Так. Шэрыфы, вы павінны выбірацца на мясцовым узроўні", - сказаў Мікалай Улаховіч.

Гаворачы аб жыллёвай палітыцы, Мікалай Улаховіч адзначыў, што будаўніцтва аграгарадкоў не было памылкай. Правільным крокам стала і будаўніцтва арэнднага жылля. Але пры гэтым Улаховіч раскрытыкаваў многія крокі чыноўнікаў, якія займаліся вырашэннем кватэрнага пытання. Ён звярнуў увагу, што жылля было пабудавана шмат, але чэргі маючых патрэбу не зменшыліся. Кандыдат заявіў, што цану за квадратны метр можна знізіць у тры разы.