Прэзідэнцкія выбары-2015 у Беларусі
У ЦВК Беларусі акрэдытаваны 385 міжнародных наглядальнікаў
18 верасня, Мінск /Кар. БЕЛТА/. Цэнтральная камісія Рэспублікі Беларусь па выбарах і правядзенні рэспубліканскіх рэферэндумаў акрэдытавала 385 міжнародных наглядальнікаў. Аб гэтым паведаміла ў сваім відэазвароце старшыня Цэнтрвыбаркама Лідзія Ярмошына, перадае карэспандэнт БЕЛТА.
"Ідзе актыўна працэс акрэдытацыі міжнародных наглядальнікаў. Цяпер ужо акрэдытаваны 385 міжнародных наглядальнікаў, пры гэтым вялікая частка з іх - 264 - гэта наглядальнікі з краін СНД, перш за ўсё ад Выканкама СНД і Міжпарламенцкай асамблеі дзяржаў - удзельніц СНД", - адзначыла Лідзія Ярмошына.
Паводле яе слоў, ЦВК працуе са скаргамі, зваротамі і прапановамі грамадзян. Усяго за перыяд падрыхтоўкі і правядзення выбараў паступіла 185 зваротаў грамадзян, з іх больш як трэць - 74 - гэта скаргі, якія не датычацца падрыхтоўкі і правядзення выбараў. "Гэта спробы вырашэння iншых асабістых пытанняў грамадзян пры дапамозе выбарчай камісіі, а таксама кандыдатаў у прэзідэнты, якія ўжо зарэгістраваны, і іх перадвыбарных штабоў", - растлумачыла Лідзія Ярмошына.
версія для друку
зрабіць стартавай
дабавіць у выбранае