Прэзідэнцкія выбары-2015 у Беларусі

ЦВК зацвердзіў склад наглядальнага савета па кантролі за агітацыяй у СМІ

1 ліпеня, Мінск /Кар. БЕЛТА/. Цэнтрвыбаркам Беларусі зацвердзіў сёння склад Наглядальнага савета па кантролі за выкананнем парадку і правіл правядзення перадвыбарнай агітацыі ў сродках масавай інфармацыі, перадае карэспандэнт БЕЛТА.

Лідзія Ярмошына растлумачыла, што ў склад савета ўвайшлі: галоўны дырэктар Першага нацыянальнага канала Беларускага радыё Антон Васюкевіч, генеральны дырэктар агенцтва "Мінск-навіны" Кацярына Дубінская, першы намеснік галоўнага рэдактара газеты "Советская Белоруссия" Міхаіл Лябедзік, першы намеснік міністра інфармацыі Беларусі Ігар Луцкі, намеснік старшыні Белтэлерадыёкампаніі Марат Маркаў, галоўны рэдактар газеты "Белорусская нива" Сяргей Міховіч, адказны сакратар Беларускага саюза журналістаў Сяргей Сверкуноў.

"Як паказала практыка, утварэнне наглядальнага савета жыццёва важна для Цэнтральнай камісіі", - адзначыла сёння на пасяджэнні ЦВК яго кіраўнік Лідзія Ярмошына. Менавіта гэты кансультатыўны орган, паводле яе слоў, "змякчае дэманізацыю дзеянняў ЦВК, калі ён прымае тыя ці іншыя жорсткія меры".

Скаргі ў савет наконт тых ці іншых публікацый СМІ, якія закранаюць інтарэсы тых ці іншых прэтэндэнтаў у кандыдаты, можна падаваць з самага пачатку выбарчай кампаніі.

версія для друку

зрабіць стартавай

дабавіць у выбранае