Прэзідэнцкія выбары-2015 у Беларусі
Рапота пазітыўна ацаніў перамогу на прэзідэнцкіх выбарах у Беларусі лідара, які стаяў ля вытокаў СД
25 кастрычніка, Мінск /Кар. БЕЛТА/. Дзяржаўны сакратар Саюзнай дзяржавы Рыгор Рапота пазітыўна ацаніў перамогу на прэзідэнцкіх выбарах у Беларусі Аляксандра Лукашэнкі, які стаяў ля вытокаў стварэння Саюзнай дзяржавы. Аб гэтым ён заявіў 24 кастрычніка ў эфіры праграмы "Карціна свету" на канале "РТР-Беларусь", паведамляе БЕЛТА.
"Вельмі рады, што чалавек, які стаяў ля вытокаў стварэння Саюзнай дзяржавы і які з'яўляўся адным з паслядоўных гарантаў развіцця двухбаковых адносін, прадоўжыць гэту палітыку. Я ў гэтым не сумняваюся. З'яўляючыся Прэзідэнтам, ён застаецца яшчэ і старшынёй Вышэйшага дзяржсавета СД. Стабільнасць - гэта заўсёды добра", - сказаў Рыгор Рапота.
Ён адзначыў, што адносна Саюзнай дзяржавы трэба захаваць увесь набыты вопыт узаемадзеяння па ўсіх сферах. "Калі наша развіццё атрымае дадатковы імпульс, дадатковую дынаміку, то гэта можа толькі вітацца. І мы працуем якраз на гэту мэту", - сказаў дзяржаўны сакратар СД.
Рыгор Рапота таксама звярнуў увагу, што на нядаўніх прэзідэнцкіх выбарах у Беларусі актыўнасць была вышэйшай, чым раней. Гэта добрая прыкмета, паколькі чалавек ідзе на выбары, калі лічыць, што ад яго штосьці залежыць і што ён павінен абазначыць сваю пазіцыю. Чым больш такіх людзей з актыўнай пазіцыяй, тым лепш для краіны.
версія для друку
зрабіць стартавай
дабавіць у выбранае