Прэзідэнцкія выбары-2015 у Беларусі

13 кастрычніка, Масква /Эдуард Півавар - БЕЛТА/. Пераканаўчая перамога Аляксандра Лукашэнкі на выбарах Прэзідэнта Беларусі пацвярджае шырокую падтрымку праводзімага ў краіне курсу. Аб гэтым заявіў прэм'ер-міністр Расіі Дзмітрый Мядзведзеў у віншавальнай тэлеграме ў сувязі з выбраннем Аляксандра Лукашэнкі на пасаду кіраўніка беларускай дзяржавы, паведамілі БЕЛТА ў прэс-службе ўрада РФ.

"Ваша пераканаўчая перамога пацвярджае шырокую падтрымку праводзімага вамі курсу на павышэнне дабрабыту беларускіх грамадзян і актыўны ўдзел рэспублікі ў еўразійскіх інтэграцыйных працэсах, - гаворыцца, у прыватнасці, у пасланні. - У Расіі высока цэняць ваш асабісты ўклад ва ўмацаванне адносін дружбы, добрасуседства і саюзніцтва, што звязваюць нашы краіны".

Дзмітрый Мядзведзеў выказаў перакананне, што далейшае паглыбленне ўзаемадзеяння ў Саюзнай дзяржаве і Еўразійскім эканамічным саюзе ў поўнай меры адпавядае інтарэсам Беларусі і Расіі.