Прэзідэнцкія выбары-2015 у Беларусі

22 ліпеня, Гродна /Алена Стасюкевіч - БЕЛТА/. Кожная ўчастковая камісія павінна быць гатова кампетэнтна працаваць з выбаршчыкамі. Аб гэтым заявіў сёння сакратар Цэнтрвыбаркама Беларусі Мікалай Лазавік у Гродне на семінары-вучобе для прадстаўнікоў тэрытарыяльных камісій, перадае карэспандэнт БЕЛТА.

З завяршэннем фарміравання тэрытарыяльных камісій у краіне будзе праведзена навучанне ўдзельнікаў выбарчай кампаніі. Нягледзячы на тое, што ў склад камісій уваходзіць нямала грамадзян, якія ўжо маюць вопыт удзелу ў такіх кампаніях, усё ж гэта не прафесіяналы. Людзям патрэбна адпаведная падрыхтоўка, лічыць Мікалай Лазавік. З гэтай мэтай у першую чаргу ў рэгіёнах праводзяцца семінары для прадстаўнікоў тэрытарыяльных камісій, якія працуюць перш за ўсё з кандыдатамі, дакументамі. Наступным этапам стане навучанне ў раёнах прадстаўнікоў участковых камісій.

"Гэта вельмі важны этап, паколькі ўчастковыя камісіі працуюць непасрэдна з выбаршчыкамі і сутыкаюцца на ўчастках з самымі рознымі сітуацыямі. Людзі павінны ведаць, як рэагаваць, як паступіць у той ці іншай, самай непрадбачанай сітуацыі", - падкрэсліў сакратар ЦВК.

Цэнтрвыбаркам рэкамендуе праводзіць навучанне ў раёнах інтэрактыўнымі метадамі, распрацаваны адпаведныя рэкамендацыі.

Такія навучальныя семінары таксама маюць мабілізуючае значэнне - яны з'яўляюцца своеасаблівым стартам для асноўнай работы камісій, падкрэсліў Мікалай Лазавік.

На семінар-вучобу ў Гродна запрошаны старшыні і намеснікі старшынь абласной і раённых камісій па выбарах, намеснікі старшынь раённых выканаўчых камітэтаў, кіраўнікоў адміністрацый раёнаў, начальнікі аддзелаў арганізацыйна-кадравай работы выканаўчых камітэтаў, галоўныя рэдактары газет і прадстаўнікі грамадскіх арганізацый.

Старшыня Гродзенскага аблвыканкама Уладзімір Краўцоў падкрэсліў, што ў гэтай выбарчай кампаніі ёсць шмат новаўвядзенняў, якія неабходна данесці і растлумачыць для ўсіх, хто ў ёй задзейнічаны. Ён падкрэсліў, што ў Гродзенскай вобласці будуць прыняты ўсе неабходныя меры для правядзення выбараў на высокім арганізацыйным узроўні.

Выбары Прэзідэнта Беларусі пройдуць 11 кастрычніка 2015 года.