Прэзідэнцкія выбары-2015 у Беларусі

7 кастрычніка, Мінск /Кар. БЕЛТА/. Публікацыя сацыялагічных справаздач у той момант, калі выбаршчык рыхтуецца прыйсці на ўчастак, можа значна паўплываць на светапогляд чалавека і яго выбар. Такую думку сёння выказала старшыня Цэнтральнай выбарчай камісіі Лідзія Ярмошына ў час анлайн-канферэнцыі на сайце Белтэлерадыёкампаніі, перадае БЕЛТА.

"Публікацыя даных сацапытанняў у той час, калі ідзе датэрміновае галасаванне, - гэты вельмі магутны ўплыў на мысленне чалавека. Чаму? Таму што людзям уласціва рабіць так, як гэта робіць большасць. Апублікаваўшы сацыялагічную справаздачу ў той момант, калі выбаршчык рыхтуецца прыйсці на ўчастак, можна значна паўплываць на светапогляд чалавека і яго выбар", - сказала Лідзія Ярмошына.

Яна лічыць, што ў адрозненне ад агітацыі, якая не забаронена перад выбарамі і з'яўляецца ўсяго толькі заклікам да пэўнага дзеяння, сацыялагічная інфармацыя непасрэдна ўплывае на ажыццяўленне гэтага дзеяння і мае большы эфект.

Выбарчы кодэкс Рэспублікі Беларусь гаворыць, што на працягу апошніх пяці дзён да выбараў або рэферэндуму не дапускаецца апублікаванне вынікаў апытанняў грамадскай думкі, звязаных з выбарамі, рэферэндумам, а таксама прагнозам іх вынікаў.