Прэзідэнцкія выбары-2015 у Беларусі
Ярмошына: Ніякага "дня цішыні" перад выбарамі ў Беларусі не прадугледжана
29 верасня, Мінск /Кар. БЕЛТА/. Беларускае заканадаўства не прадугледжвае ніякага "дня цішыні" ў дзень перад выбарамі, заявіла сёння журналістам старшыня ЦВК Беларусі Лідзія Ярмошына, адказваючы на пытанне карэспандэнта БЕЛТА.
"У нас няма "дня цішыні". Гэта адсутнічае ў заканадаўстве, таму ніякіх забарон няма. Але ў законе пазначана, што ў дзень выбараў забаронена агітацыя", - сказала Лідзія Ярмошына.
Выбарчы кодэкс гаворыць: "Агітацыя ў дзень галасавання не дапускаецца. Агітацыйныя друкаваныя матэрыялы, вывешаныя раней па-за памяшканнямі для галасавання, захоўваюцца на ранейшых месцах".
Акрамя таго, на працягу апошніх пяці дзён да выбараў не дапускаецца апублікаванне вынікаў апытанняў грамадскай думкі, звязаных з выбарамі, прагнозам іх вынікаў.
версія для друку
зрабіць стартавай
дабавіць у выбранае