Прэзідэнцкія выбары-2015 у Беларусі

11 кастрычніка, Мінск /Кар. БЕЛТА/. Яўка выбаршчыкаў на выбарах Прэзідэнта Беларусі па стане на 12.00 склала 51,20 працэнта. Такія даныя размешчаны на сайце Цэнтрвыбаркама, паведамляе БЕЛТА.

Больш за ўсё выбаршчыкаў прагаласавала ў Віцебскай вобласці - там бюлетэні атрымалі 59,80 працэнта грамадзян, самая нізкая яўка пакуль у горадзе Мінску - 39,29 працэнта. За межамі краіны прагаласавалі 50,51 працэнта грамадзян.

Такім чынам, пераадолены парог яўкі, неабходны для таго, каб прэзідэнцкія выбары ў Беларусі адбыліся.