Прэзідэнцкія выбары-2015 у Беларусі
Ацэначная місія БДІПЧ АБСЕ будзе знаходзіцца ў Беларусі з 15 па 17 ліпеня
15 ліпеня, Мінск /Кар. БЕЛТА/. Ацэначная місія Бюро па дэмакратычных інстытутах і правах чалавека Арганізацыі па бяспецы і супрацоўніцтве ў Еўропе (БДІПЧ АБСЕ) будзе знаходзіцца ў Беларусі з 15 па 17 ліпеня, паведамілі БЕЛТА ў БДІПЧ АБСЕ.
"Справаздача будзе абнародавана праз тры тыдні пасля вяртання місіі", - удакладнілі ў БДІПЧ. У Беларусі місія плануе правесці сустрэчы з прадстаўнікамі органаў дзяржаўнай улады і грамадзянскай супольнасці, а таксама асноўных палітычных партый, СМІ, недзяржаўнымі арганізацыямі і з мяркуемымі кандыдатамі на прэзідэнцкую пасаду.
Згодна са стандартамі БДІПЧ задача гэтай місіі - ацаніць перадвыбарную атмасферу і падрыхтоўку да выбараў. Грунтуючыся на гэтай ацэнцы, місія будзе рэкамендаваць, ці неабходна гэтаму бюро АБСЕ разгортваць назіранне за выбарамі, а таксама якім чынам весці гэты маніторынг.
Як паведамлялася, 15 ліпеня прадстаўнікі ацэначнай місіі сустрэнуцца з кіраўніцтвам Цэнтральнай камісіі Рэспублікі Беларусь па выбарах і правядзенні рэспубліканскіх рэферэндумаў.
версія для друку
зрабіць стартавай
дабавіць у выбранае