Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | Усебеларускі народны сход

Усебеларускі народны сход

17 Jun 2016

Зніжэнне затрат прапануецца зрабіць абавязковым крытэрыем пры абароне бізнес-планаў у Беларусі

Зніжэнне затрат прапануецца зрабіць абавязковым крытэрыем пры абароне бізнес-планаў у Беларусі

17 чэрвеня, Мінск /Кар. БЕЛТА/. Зніжэнне затрат на вытворчасць і рэалізацыю прадукцыі (работ, паслуг), павышэнне іх якасці стануць абавязковымі крытэрыямі пры фарміраванні і абароне штогадовых бізнес-планаў арганізацый. Гэта прадугледжана праектам праграмы сацыяльна-эканамічнага развіцця Беларусі на 2016-2020 гады, якая будзе абмяркоўвацца на пятым Усебеларускім народным сходзе, паведамляе карэспандэнт БЕЛТА.

Асаблівая ўвага будзе ўдзелена ўдасканаленню сістэм кіравання якасцю, уніфікацыі тэхнічных нарматыўных актаў з патрабаваннямі найбольш перспектыўных міжнародных стандартаў. Плануецца ўзмацненне кантролю за якасцю выканання галіновых тэхналагічных рэгламентаў.

Дзяржаўная падтрымка суб'ектам гаспадарання ў бягучай пяцігодцы будзе аказвацца толькі пры ўмове істотнага скарачэння матэрыяла- і энергаёмістасці прадукцыі. У праекце праграмы падкрэсліваецца, што гэта будзе адным з ключавых паказчыкаў эфектыўнасці гаспадарання і крытэрыем стымулюючых выплат работнікам.

Зніжэнне затрат на вытворчасць і рэалізацыю прадукцыі з'яўляецца ключавым рэзервам павышэння фінансавай устойлівасці і прыбытковасці работы арганізацый. Праект праграмы прапануе асноўныя напрамкі дзеянняў у гэтай сферы. У іх ліку скарачэнне ўмоўна-пастаянных і невытворчых расходаў, тэхналагічнае перааснашчэнне прамысловых вытворчасцей, устанаўленне прагрэсіўных норм расходу сыравіны, матэрыялаў за кошт скарачэння адходаў і страт у працэсе вытворчасці і захавання, выкарыстання другасных рэсурсаў. Прапануецца таксама ўкараненне сучасных сістэм кіравання рэсурсамі, аптымальных схем і крыніц энергазабеспячэння прамысловых аб'ектаў, рэжымаў іх работы.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі