Усебеларускі народны сход
Мясніковіч заклікаў сенатараў праявіць адказнасць і ініцыятыву на Усебеларускім сходзе
14 чэрвеня, Мінск /Кар. БЕЛТА/. Старшыня Савета Рэспублікі Міхаіл Мясніковіч сёння на пасяджэнні верхняй палаты парламента заклікаў сенатараў праявіць адказнасць і ініцыятыву на Усебеларускім народным сходзе, перадае карэспандэнт БЕЛТА.
"Праз тыдзень адбудзецца гістарычная для нашай краіны падзея - пяты Усебеларускі народны сход. Яго ўдзельнікам трэба будзе разгледзець асноўныя палажэнні Праграмы сацыяльна-эканамічнага развіцця Беларусі на 2016-2020 гады. Члены Савета Рэспублікі павінны прыняць актыўны ўдзел у рабоце Усебеларускага сходу, праявіць пры гэтым ініцыятыву і адказнасць", - заўважыў спікер.
Ён таксама нагадаў, што ў Беларусі назначаны даты правядзення выбараў у Палату прадстаўнікоў і Савет Рэспублікі. "Фактычна, дадзены старт выбарчай кампаніі. Парламенцкія выбары павінны прайсці арганізавана, дэмакратычна, у поўнай адпаведнасці з Канстытуцыяй і дзеючым выбарчым заканадаўствам", - сказаў Міхаіл Мясніковіч. Ён заклікаў членаў Савета Рэспублікі ў ходзе выбарчай кампаніі праявіць актыўнасць, прынцыповасць, аказваючы ўсебаковую падтрымку выбарчым камісіям, дзяржаўным органам улады і кіравання.
Гаворачы аб праведзеным у Мінску Форуме рэгіёнаў, Міхаіл Мясніковіч нагадаў, што Расія была прадстаўлена на гэтым мерапрыемстве 40 рэгіёнамі, у форуме прынялі ўдзел 13 расійскіх губернатараў. "Прадстаўнікі палітычнай і дзелавой эліты дзвюх краін мелі цудоўную магчымасць для стасункаў, разгляду сумесных праектаў, заключэння новых пагадненняў і кантрактаў. У цэлым III Форум рэгіёнаў Беларусі і Расіі прайшоў паспяхова", - лічыць спікер. Паводле яго слоў, заключана камерцыйных кантрактаў на суму, эквівалентную больш як $300 млн.
версія для друку
зрабіць стартавай
дабавіць у выбранае