У Беларусь без візы на 30 дзён
Афіцыйны сайт Рэспублікі Беларусь
ВЫБАРЫ ў Палату прадстаўнікоў Нацыянальнага сходу Рэспублікі Беларусь
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | II Еўрапейскія гульні ў Беларусі

II Еўрапейскія гульні ў Беларусі

4 Жнв 2017

Зубраня і васілёк маглі б стаць талісманамі Еўрагульняў у Мінску - лёгкаатлеты

Зубраня і васілёк маглі б стаць талісманамі Еўрагульняў у Мінску - лёгкаатлеты

4 жніўня, Мінск /Кар. БЕЛТА/. Вясёлае зубраня ў беларускай вышыванцы цалкам падышло б у якасці талісмана ІІ Еўрапейскіх гульняў, сталіцай якіх праз два гады стане Мінск. Такое меркаванне выказала карэспандэнту БЕЛТА чэмпіёнка свету ў бегу на 800 м Марына Арзамасава перад ад'ездам на лёгкаатлетычны планетарны форум у Лондан.

На думку праслаўленай бягухі, усе ведаюць, што зубр з'яўляецца адным з самых яркіх і пазнаваемых сімвалаў Беларусі. Што датычыцца талісмана, то ён абавязкова павінен быць гарэзлівым, таму зубраня можа стаць такім персанажам. Прычым, лічыць Марына, яно можа быць розным, паколькі ў праграме Еўрагульняў будзе шмат спартыўных дысцыплін, і мастакі могуць апрануць зубраня ў форму розных відаў спорту.

Старшыня Беларускай федэрацыі лёгкай атлетыкі Вадзім Дзевятоўскі лічыць, што нараўне з прадстаўнікамі свету жывёл у якасці талісмана Еўрагульняў-2019 можна выкарыстоўваць, як пісаў Максім Багдановіч, "цвяток радзiмы" васілёк.

Паўдзельнічаць у адкрытым рэспубліканскім конкурсе па распрацоўцы талісмана ІІ Еўрапейскіх гульняў можа любы жадаючы. Для гэтага трэба прапанаваць ідэю талісмана, малюнак і імя. Заяўкі прымаюцца да 15 лістапада 2017 года. Талісман павінен адпавядаць алімпійскім каштоўнасцям і слогану Bright Year, Bright You ("Яркі год, яркі ты"). З падрабязнасцямі правядзення конкурсу можна азнаёміцца на сайтах Міністэрства інфармацыі, Нацыянальнага алімпійскага камітэта Беларусі і БЕЛТА. Уладальнікі трох прызавых месц атрымаюць запрашальныя білеты на мерапрыемствы II Еўрапейскіх гульняў, а таксама камплекты парадна-спартыўнай экіпіроўкі нацыянальнай зборнай Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс