Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | II Еўрапейскія гульні ў Беларусі

II Еўрапейскія гульні ў Беларусі

25 Jun 2019

Уладзіслаў Ганчароў заваяваў золата ў скачках на батуце на II Еўрапейскіх гульнях

Уладзіслаў Ганчароў заваяваў золата ў скачках на батуце на II Еўрапейскіх гульнях

25 чэрвеня, Мінск /Кар. БЕЛТА/. Беларус Уладзіслаў Ганчароў стаў чэмпіёнам у індывідуальным турніры па скачках на батуце II Еўрапейскіх гульняў, паведамляе карэспандэнт БЕЛТА.

Паказаўшы лепшы рэзультат у кваліфікацыі, Уладзіслаў Ганчароў і ў фінальным раўндзе выступіў выдатна, атрымаўшы ад суддзяў 60,045 бала. Такім чынам, беларус палепшыў свой рэзультат чатырохгадовай даўнасці - на I Еўрапейскіх гульнях у Баку Уладзіслаў Ганчароў быў сярэбраным прызёрам у гэтым відзе праграмы. Сёння ўладальнікам серабра стаў расіянін Міхаіл Мельнік (59,435), бронзу заваяваў партугальскі спартсмен Дзіёга Ганчынью (58,660).

Да гэтага жонка Уладзіслава Ганна Ганчарова ў дуэце з Марыяй Махарынскай таксама паднялася на вышэйшую прыступку гонару, выйграўшы спаборніцтвы па сінхронных скачках. У першы дзень спаборніцтваў па скачках на батуце Ганна Ганчарова заваявала бронзу ў індывідуальных скачках, паўтарыўшы свой рэзультат на I Еўрапейскіх гульнях у сталіцы Азербайджана.

Лукашэнка павіншаваў батутыста Уладзіслава Ганчарова з заваяваннем залатога медаля ІІ Еўрапейскіх гульняў

26 чэрвеня, Мінск /Кар. БЕЛТА/. Прэзідэнт Беларусі Аляксандр Лукашэнка павіншаваў члена нацыянальнай каманды па скачках на батуце Уладзіслава Ганчарова з заваяваннем залатога медаля ІІ Еўрапейскіх гульняў. Аб гэтым БЕЛТА паведамілі ў прэс-службе беларускага лідара.

"Ты чарговы раз пераканаўча пацвердзіў званне сусветнага лідара ў скачках на батуце. Ярка і бездакорна выканаў у фінале кожны элемент складанай праграмы", - адзначыў кіраўнік дзяржавы.

Аляксандр Лукашэнка пажадаў Уладзіславу Ганчарову не спыняцца на дасягнутым і прадаўжаць радаваць шматлікіх беларускіх балельшчыкаў сваімі поспехамі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі