Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | II Еўрапейскія гульні ў Беларусі

II Еўрапейскія гульні ў Беларусі

24 Jul 2017

Слоган і лагатып Еўрагульняў-2019 з'явяцца на грамадскім транспарце Мінска

Слоган і лагатып Еўрагульняў-2019 з'явяцца на грамадскім транспарце Мінска

24 ліпеня, Мінск /Кар. БЕЛТА/. Слоган і лагатып II Еўрапейскіх гульняў з'явяцца на грамадскім транспарце Мінска. Аб гэтым расказаў сёння ў эфіры тэлеканала "Беларусь 1" генеральны сакратар Нацыянальнага алімпійскага камітэта Беларусі Анатоль Котаў, паведамляе БЕЛТА.

"Слоган будзе выкарыстоўвацца разам з лагатыпам на гарадскіх аб'ектах і транспарце, ён таксама ўпрыгожыць усю сувенірную прадукцыю, прысвечаную кантынентальнаму спартыўнаму форуму", - адзначыў Анатоль Котаў.

Адкрыты рэспубліканскі конкурс на распрацоўку талісмана II Еўрапейскіх гульняў у Мінску ў самым разгары. У ім можа прыняць удзел любы жадаючы. Трэба прапанаваць ідэю талісмана, малюнак і імя. Талісман павінен адпавядаць алімпійскім каштоўнасцям і слогану Bright Year, Bright You ("Яркі год, яркі ты"). Заяўкі прымаюцца да 15 лістапада 2017 года. З падрабязнасцямі правядзення конкурсу можна азнаёміцца на сайтах Міністэрства інфармацыі, Нацыянальнага алімпійскага камітэта Беларусі і БЕЛТА.

Уладальнікі трох прызавых месц атрымаюць запрашальныя білеты на мерапрыемствы II Еўрапейскіх гульняў, а таксама камплекты парадна-спартыўнай экіпіроўкі нацыянальнай зборнай Беларусі.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі