У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Прэс-цэнтр
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Прэс-цэнтр | II Еўрапейскія гульні ў Беларусі

II Еўрапейскія гульні ў Беларусі

25 Кст 2017

На II Еўрагульнях у Мінску чакаюць каля 30 тыс. замежных турыстаў

На II Еўрагульнях у Мінску чакаюць каля 30 тыс. замежных турыстаў

25 кастрычніка, Мінск /Кар. БЕЛТА/. На II Еўрагульнях у Мінску чакаюць каля 30 тыс. замежных турыстаў. Аб гэтым паведаміў сёння намеснік дырэктара фонду "Дырэкцыя II Еўрапейскіх гульняў 2019 года" Анатоль Котаў у час анлайн-канферэнцыі на сайце БЕЛТА.

"Паводле нашай агульнай, даволі сціплай ацэнкі, зробленай сумесна з Мінспорту і турызму з улікам нашага вопыту чэмпіянату свету па хакеі і вопыту Баку, не менш як 30 тыс. замежных турыстаў прыедуць у Мінск у час Еўрагульняў, каб пабалець за сваіх спартсменаў, пазнаёміцца са сталіцай, - расказаў Анатоль Котаў. - Гэта лічба з вельмі вялікай агаворкай, паколькі Баку быў далёка, толькі пералёт туды быў даволі дарагім. У нашым выпадку чакаецца значна больш турыстаў".

Пры гэтым намеснік дырэктара фонду адзначыў, што 30 тыс. гасцей змогуць спакойна размясціцца ў жылым фондзе Мінска і Мінскага раёна. "Многія балельшчыкі, якія прыязджаюць на такія мерапрыемствы, не спыняюцца ў фешэнебельных атэлях і нават на здымных кватэрах. Многія прыязджаюць са сваімі палаткамі. Ёсць асобны рух караванераў. Увогуле, усе нашы разлікі паказваюць, што мы можам размясціць усіх, хто да нас прыедзе ў 2019 годзе. Хацелася б, каб іх было больш", - падкрэсліў ён.

Анатоль Котаў таксама праінфармаваў, што на Еўрапейскія гульні ў Мінск у 2019 годзе прыедуць каля 10 тыс. гасцей, якія будуць мець непасрэдныя адносіны да мерапрыемства: 4 тыс. спартсменаў, 2 тыс. суддзяў, 1 тыс. прадстаўнікоў прэсы, 3 тыс. - афіцыйныя асобы еўрапейскіх алімпійскіх камітэтаў, віп-персоны, абслуговы персанал.

"Калі гаварыць пра спартсменаў і трэнераў, то мы іх рассяляем у студэнцкай вёсцы, дзе ёсць дастатковая колькасць жылога фонду. Суддзі будуць жыць у гасцініцах, якія будуць размешчаны паблізу спартыўных аб'ектаў. Усё будзе прывязана да спаборніцтваў, якія яны будуць судзім з тым, каб не трэба было задзейнічаць дадатковы транспарт. Фактычна гэта 2-3 мінуты пяшком, што вельмі зручна, - расказаў ён. - Віп-госці будуць расселены ў лепшых гасцініцах Мінска. Асноўнай штаб-кватэрай Еўрапейскіх алімпійскіх камітэтаў стане комплекс гасцініцы Marriott, паколькі там умовы даюць магчымасць размясціць і штаб-кватэру, і зону гасціннасці. Гэта "Фалькон-клуб", які знаходзіцца блізка ад гэтага комплексу. Увогуле, усё даволі кампактна".

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс