У Беларусь без візы на 30 дзён
Афіцыйны сайт Рэспублікі Беларусь
Год малой радзімы ў Беларусі
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | II Еўрапейскія гульні ў Беларусі

II Еўрапейскія гульні ў Беларусі

3 Кст 2017

Мінтранс да Еўрагульняў плануе завяршыць некалькі інфраструктурных праектаў

Мінтранс да Еўрагульняў плануе завяршыць некалькі інфраструктурных праектаў

3 кастрычніка, Мінск /Кар. БЕЛТА/. Міністэрства транспарту і камунікацый да Еўрапейскіх гульняў плануе завяршыць рэалізацыю некалькіх вялікіх інфраструктурных праектаў. Аб гэтым сёння журналістам на палях Беларускага транспартнага тыдня паведаміў міністр транспарту і камунікацый Анатоль Сівак, адказваючы на пытанне карэспандэнта БЕЛТА.

"Да Еўрапейскіх гульняў мы павінны завяршыць рэканструкцыю ўчасткаў аўтамабільных дарог М6 Мінск-Гродна, Р23 Мінск-Мікашэвічы і будаўніцтва другой узлётна-пасадачнай паласы. Будзем прымаць самалёты ў час Еўрагульняў, - адзначыў ён. - Задачы па падрыхтоўцы інфраструктуры і аб'ектаў стаяць перад кожнай падгаліной дарожна-транспартнага комплексу".

Анатоль Сівак таксама расказаў, як транспартнікі рыхтуюцца да чэмпіянату свету па хакеі, які будзе праходзіць у 2021 годзе ў Мінску і Рызе. "Мы будзем укладваць сродкі ў дарожную інфраструктуру ў раёне Полацка, каб выйсці на новы ўзровень аўтадарог па параметрах і якасці. Гэта наша найпершая задача ў гэты перыяд часу. Чыгуначнікі павінны прадставіць зусім іншы прадукт да гэтага першынства - па тэрмінах і часе перамяшчэння. На граніцы таксама будуць адпаведныя ўкладанні", - расказаў міністр.

Беларускі транспартны тыдзень праходзіць у Мінску з 3 па 5 кастрычніка. Ён уключае XI Міжнародную спецыялізаваную выстаўку "Транспарт і лагістыка - 2017" і насычаную дзелавую праграму з пленарным пасяджэннем, канферэнцыямі і семінарамі. У час мерапрыемстваў транспартнага тыдня будуць разгледжаны пытанні арганізацыі пасажырскіх перавозак, удасканалення выканання перавозак грузаў, кантэйнерызацыі і эфектыўнага кіравання ў ланцугах паставак, забеспячэння бяспекі руху і эксплуатацыі транспарту.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
Партызанскі летапіс