VI Усебеларускі народны сход
Афіцыйны сайт Рэспублікі Беларусь
Навіны
Каляндар падзей у Беларусі
Выдатныя мясціны Беларусі
Сусветная спадчына ЮНЕСКА ў Беларусі
Беларускія санаторыі і курорты
Сувеніры з Беларусі
| Галоўная | Навіны | II Еўрапейскія гульні ў Беларусі

II Еўрапейскія гульні ў Беларусі

21 Кст 2016

Лукашэнка заяўляе аб гатоўнасці Беларусі прыняць Еўрапейскія гульні ў 2019 годзе

Лукашэнка заяўляе аб гатоўнасці Беларусі прыняць Еўрапейскія гульні ў 2019 годзе

21 кастрычніка, Мінск /Уладзімір Мацвееў - БЕЛТА/. Беларусь гатова прыняць Еўрапейскія гульні ў 2019 годзе. Аб гэтым Прэзідэнт Беларусі Аляксандр Лукашэнка заявіў сёння на сустрэчы з выконваючым абавязкі прэзідэнта Еўрапейскіх алімпійскіх камітэтаў Янезам Качыянчычам, перадае карэспандэнт БЕЛТА.

Кіраўнік дзяржавы падкрэсліў, што ЕАК заўсёды можа разлічваць на Беларусь. "Мы не супердзяржава, але спорту ўдзяляем вялікую ўвагу, - адзначыў беларускі лідар. - Вельмі хачу, каб наша еўрапейская арганізацыя ні ў якім разе не ўступала арганізацыям іншых кантынентаў, у тым ліку Міжнароднаму алімпійскаму камітэту. Я адносна гэтага нацыяналіст і патрыёт. Таму вы можаце разлічваць на Беларусь".

"Калі ў вас будзе жаданне праводзіць у нас любыя мерапрыемствы ў рамках гэтай арганізацыі, мы гатовы ў любы момант і падтрымаць нашу арганізацыю, і арганізаваць любыя мерапрыемствы", - запэўніў Прэзідэнт.

Выконваючы абавязкі прэзідэнта Еўрапейскіх алімпійскіх камітэтаў Янез Качыянчыч"Мы з вамі прынялі гістарычнае рашэнне, і ў 2019 годзе збяром тут еўрапейскіх спартсменаў на нашу Алімпіяду", - заявіў Аляксандр Лукашэнка.

Кіраўнік дзяржавы адзначыў, што ён знаёмы з перагаворамі беларускага боку з кіраўніцтвам ЕАК. У сувязі з гэтым ён прапанаваў не спяшацца ў вызначэнні некаторых дэталей. "Напрыклад, вызначыць, якія віды спорту, і колькі іх будзе ў Беларусі ў час Алімпіяды (Еўрапейскіх гульняў. - Заўвага БЕЛТА). Я прыхільнік таго, каб сюды запрасіць максімум спартсменаў. Гэта іх свята. Чым больш будзе спартсменаў, тым больш у нас будзе прыхільнікаў у нашай еўрапейскай арганізацыі. І чым больш відаў спорту мы тут арганізуем, тым большае развіццё яны атрымаюць", - сказаў Прэзідэнт.

Ён дадаў, што таксама ёсць пытанне правядзення юнацкіх спаборніцтваў 2019 года. "Мы таксама паглядзім на гэтыя спаборніцтвы. Можа, нам удасца, калі гэта не супярэчыць духу, мы, магчыма, правядзём іх у Беларусі і следам правядзём нашу Алімпіяду. Гэта як зручней вам. Гэтыя дэталі мы павінны вывучыць", - сказаў кіраўнік дзяржавы.

Лукашэнка заяўляе аб гатоўнасці Беларусі прыняць Еўрапейскія гульні ў 2019 годзеАляксандр Лукашэнка таксама выказаў падтрымку ў адрас Патрыка Хікі, які да нядаўняга часу займаў пасаду прэзідэнта Еўрапейскіх алімпійскіх камітэтаў і быў абвінавачаны ў некаторых правапарушэннях. "У нас ёсць з вамі агульны добры сябар - спадар Хікі. На жаль, з намі яго няма сёння, але, я ўпэўнены, ён да нас далучыцца. Таму што тыя метады, якімі сёння дзейнічаюць асобныя дзяржавы, яны непрымальныя не толькі для спорту, але і для развіцця нашага свету ў цэлым. Знайшлі, на чым чалавека злавіць... На нейкіх білетах - чалавек, які сотнямі мільёнаў долараў распараджаецца, будзе дзяліць нейкія білеты... Хоць бы ўжо прычыну прыдумалі нармальную", - адзначыў беларускі лідар.

У сваю чаргу Янез Качыянчыч адзначыў, што глядзіць на Прэзідэнта Беларусі не толькі як на лідара краіны, але і як на сябра па алімпійскім руху. "Усё, што вы сказалі, цалкам супадае з маім меркаваннем і маімі падыходамі", - сказаў ён.

Янез Качыянчыч адзначыў, што наведваў шэраг спартыўных мерапрыемстваў Беларусі, і канстатаваў наяўнасць выдатнай інфраструктуры для арганізацыі сусветных спартыўных спаборніцтваў. "Усе водзывы, якія мы атрымлівалі, былі не проста станоўчыя, а поўныя энтузіязму, - заявіў ён. - Таму мы высока ацэньваем вашу гатоўнасць правесці другія Еўрапейскія гульні. Я поўнасцю падзяляю вашу пазіцыю аб неабходнасці правесці дадатковыя перагаворы адносна дэталей".

Выконваючы абавязкі прэзідэнта ЕАК лічыць, што Еўрапейскія гульні ў Беларусі павінны стаць кваліфікацыйным этапам перад Алімпійскімі гульнямі ў Токіа. "Гэта таксама павінна стаць чарговай магчымасцю для таго, каб Беларусь прадэманстравала астатняй Еўропе сваю ўнікальнасць і аўтэнтычнасць як у спорце, так і краіны ў цэлым", - дадаў Янез Качыянчыч.

Архіў
Пн Аўт Сер Чцв Пт Сб Нядз
Помнікі Вялікай Айчыннай вайны ў Беларусі
VI Усебеларускі народны сход