II Еўрапейскія гульні ў Беларусі

Лукашэнка падарыў высокім гасцям II Еўрапейскіх гульняў эксклюзіўныя сувеніры

21 чэрвеня, Мінск /Уладзімір Мацвееў - БЕЛТА/. Прэзідэнт Беларусі Аляксандр Лукашэнка падарыў высокім гасцям, якія прыбылі ў Беларусь на адкрыццё II Еўрапейскіх гульняў, эксклюзіўныя сувеніры, паведамляе БЕЛТА.

Для ўсіх VIP-гасцей, з якімі асабіста сустрэўся кіраўнік дзяржавы, быў падрыхтаваны спецыяльны набор падарункаў. Гэта пано "II Еўрапейскія гульні 2019 года". Яно выраблена з моранага дубу, якому амаль паўтары тысячы гадоў. Гэты матэрыял заўсёды лічыўся ўнікальнейшым і выкарыстоўваўся для афармлення самых дарагіх інтэр'ераў. Памер пано складае 35x40 см. Яно выканана ў сімволіцы II Еўрапейскіх гульняў. На ім замацаваны медальёны, якія сімвалізуюць 15 відаў спорту, прадстаўленых на мультыспартыўным форуме.

Аляксандр Лукашэнка таксама падарыў кожнаму з высокіх гасцей эксклюзіўны набор шакаладу і талісман II Еўрапейскіх гульняў - лісяня Лёсіка.

версія для друку

зрабіць стартавай

дабавіць у выбранае